Çərşənbə axşamı , 22 İyun 2021
Home » Dünya » Çexiyanın Karla Enqlişe Universitetinin nümayəndə heyəti ölkəmizdə səfərdədir

Çexiyanın Karla Enqlişe Universitetinin nümayəndə heyəti ölkəmizdə səfərdədir

Beynəlxalq Diaspor Mərkəzi (BDM) və Çex-Azərbaycan Elm və Mədəniyyət Mərkəzinin dəvəti ilə Çexiyanın Karla Enqlişe Universitetinin nümayəndə heyəti ölkəmizdə səfərdədir. Universitetin rektor əvəzi dr. Yarmila Vaşulkova BDM-in ofisini ziyarət edib. Görüşdə Azərbaycan-Çexiya elmi-mədəni əlaqələri haqqında geniş müzakirə aparılıb. Yaxın aylarda adı çəkilən universitetdə Azərbaycan həqiqətləri ilə bağlı elmi konfransın keçirilməsi, orada Azərbaycan guşəsinin yaradılması haqqında razılıq əldə edilib. BDM sədri İsmayıl Ağayev ölkəmizin üzləşdiyi erməni təcavüzü ilə bağlı qonağa geniş məlumat verib. O, Çex ictimaiyyətinin Azərbaycan həqiqətlərinin daha yaxından öyrənməsi üçün bu kimi görüşlərin də xüsusi əhəmiyyətini qeyd edib. BDM-in Avropa təmsilçiliyinin rəhbəri Azər Kərimov Çexiyanın Moraviya bölgəsində yerləşən Karla Enqlişe Universitetində çox sayda azərbaycanlı tələbələrin təhsil aldığını bildirərək, təhsil sahəsində əməkdaşlığın önəmini qeyd edib. BDM sədrinin birinci müavini Samir Adıgözəlli də öz növbəsində universitetdə təhsil alan azərbaycanlı tələbələrə yaradılan şəraitə görə dr. Vaşulkovaya minnətdarlığını bildirib. Karla Enqlişe Universitetinin rektor əvəzi dr. Yarmila Vaşulkova BDM-ə xüsusi dəvətə görə təşəkkürünü bildirərək Azərbaycanda olmaqdan məmnunluq hissi duyduğunu bildirib. O, Azərbaycanda gördüyü inkişafdan, insanların qonaqpərvərliyindən danışaraq,  Bakının gözəlliyinə vurulduğunu xüsusilə qeyd edib. Çexiyalı qonaqların Bilik Fondu və bir sıra Universitetlərlə də görüşləri nəzərdə tutulub. 

Check Also

Təqaüd alanlara vacib xəbər

İyunun 23-də bütün müavinət, təqaüd və kompensasiyaların ödənilməsi nəzərdə tutulub.Bu barədə  Dövlət Sosial Müdafiə Fondunun …