Bazar , 1 Avqust 2021
Home » Dünya » Hələbdən təxliyyə edilən 7 min qaçqın Türkiyə ərazisində yerləşdirilib

Hələbdən təxliyyə edilən 7 min qaçqın Türkiyə ərazisində yerləşdirilib

Suriyanın Hələb şəhərindən təxliyyə edilən qaçqınların sayı 8 minə çatıb.

“Report” “Milliyet”ə istinadən xəbər verir ki, onları daşıyan 6-cı avtomobil karvanı Türkiyə ərazisinə çatıb. 

Türkiyənin xarici işlər naziri Mövlud Çavuşoğlu “Twitter” səhifəsində yazıb ki, indiyədək Hələbin şərqindən 7 min mülki sakinin təxliyyə ediblər: “Bu istiqamətdə fəaliyyətimiz davam edir”.

Avropa İttifaqı Şurasının sədri Donald Tusk Suriya böhranında təmsil etdiyi qurumun təsirsiz qaldığını etiraf edib: “Suriyada münaqişəni güc yolu ilə dayandırmaq mümkün deyil. Avropa İttifaqının bu cür vasitələrdən nə istifadə edəcək, nə də belə bir planı var. Ancaq xahiş edirəm Avropa İttifaqının ittiham etməyin. Yetərincə təsirli olmadığımızı, kimin daha çox təsir etdiyini də bilirəm. Ancaq bu humanitar yardımda deyil, bombalamada özünü göstərir”.

ABŞ-ın dövlət katibi Con Kerri isə Hələblə bağlı bunları deyib: “Hələbdə görmək istədiyimiz son şey o kiçik bölgənin Srebnitsaya dönməməsidir”.

Dövlət katibi Bəşşar Əsəd rejiminə aid silahlıların mülki sakinləri hədəf aldığını da vurğulayıb.

Qeyd edək ki, Rusiyanın havadan bombalaması nəticəsində Hələb Bəşşar Əsəd rejiminin nəzarəti altına keçib. Həmin əməliyyatlar zamanı çoxlu sayda mülki sakin öldürülüb.

Check Also

SON DƏQİQƏ: Quzey Kıbrısda da yanğın alovlandı

Quzey Kıbrıs Türk Cümhuriyyətinin (KKTC) Girne bölgəsinin Karşıyaka kəndinin cənub -qərb hissəsindəki meşə sahəsi yanmağa …