Boyukmillet.com Biz yanmasaq vətən yanar
11-21 sentyabr tarixləri arasında Bab əl-Məndəb boğazından 408 kommersiya gəmisi keçib.
Boyukmillet.com xəbər verir ki, məlumatı “Əl-Cəzirə” telekanalı husilərə istinadən yayıb.
İran tərəfindən dəstəklənən qrupun nümayəndələri boğazdan gəmiçiliyin normal və təhlükəsiz olduğunu vurğulayıblar.
Onların sözlərinə görə, bu strateji əhəmiyyətli beynəlxalq dəhlizdən gündə orta hesabla 40 gəmi keçib.
Son həftələrdə qrup əvvəllər beynəlxalq səviyyədə tanınmış Yəmən hökuməti tərəfindən nəzarət edilən geniş əraziləri ələ keçirib.
Ölkənin cənub-qərbində hökumət qüvvələri ilə gərgin döyüşlər zamanı Husilər Yəmənin bütün Qırmızı dəniz sahil xəttini, o cümlədən Moça, Dubab və Murad liman şəhərlərini, eləcə də Bab əl-Məndəb boğazının ortasında yerləşən strateji Perim adasını ələ keçirib və bu da onlara regionda beynəlxalq gəmiçiliyi idarə etməyə imkan verib.
Səudiyyə Ərəbistanı Yəmən hökumət qüvvələrinə hərbi dəstək verir və itirilmiş əraziləri geri almaq üçün Husi mövqelərinə hava hücumları təşkil edir. Yəmən krallıq üçün çox böyük strateji əhəmiyyətə malikdir, çünki milyonlarla barel Səudiyyə nefti Qırmızı dənizin cənub qapısı olan Bab əl-Məndəb boğazından daşınır. Husilər əvvəllər Səudiyyə tankerlərinin boğazdan keçidini bloklayacaqlarını bildirmişdilər.
