“Gilavar” – hava və ekstrim idman klubunun itkin düşmüş üzvlərindən olan Babur Hüseynov DİN əməkdaşıdır.
Bu barədə “Report”a klubdakı mənbə məlumat verib.
B.Hüseynovun polis leytenantı olduğu bildirilir.
Xatırladaq ki, dekabrın 23-də Quba rayonunun Xınalıq kəndindən Tufandağı istiqamətində yürüşə çıxmış “Gilavar” – hava və ekstrim idman klubunun 3 üzvü geri qayıtmayıb və onlarla əlaqə kəsilib. Onların axtarışları DSX, FHN, Ekologiya və Təbii Sərvətlər Nazirliyi və FAİREX üzvlərindən ibarət komanda tərəfindən həyata keçirilir. Axtarışlara helikopterlər də cəlb olunub.
![](https://report.az/storage/news/367997cc3fda5666c5cd7e1601f85c88/a33fa8c9-e7f5-435e-852d-18974f3c7eac_640.jpg)