Boyukmillet.com Biz yanmasaq vətən yanar
Hesablara doğrulama işarəsi almağa imkan verən “Twitter Blue” abunəliyinin yenidən işə salınması noyabrın 29-na planlaşdırılır.
Boyukmillet.com xəbər verir ki, bu barədə “Twitter”in yeni sahibi İlon Mask şəbəkədəki səhifəsində məlumat verib.
“Bunun etibarlılığında əmin olmamız üçün “Blue Verified”ın yenidən işə salınması (mavi təsdiq işarəsi – red.) noyabrın 29-na ertələnir”, – o yazıb.
Sosial şəbəkə istifadəçisinin sualına cavab olaraq İ.Mask aydınlıq gətirib ki, “yeni versiyada təsdiqlənmiş hesab adının dəyişdirilməsi yeni adın istifadəçi müqaviləsinin şərtlərinə uyğun olduğu “Twitter” tərəfindən təsdiqlənmədiyi halda doğrulama işarəsinin itirilməsi ilə nəticələnəcək”.
Xatırladaq ki, daha öncə şirkət eyniadlı sosial şəbəkədə siyasətçilərin və məşhurların rəsmi səhifələri kimi təqdim edilən saxta hesabların yayılması səbəbindən abunə satışını dayandırmışdı.
