MOSSAD rəhbəri etiraf etdi: “Hədəfimiz İrandır”

İsrailin kəşfiyyatı xidməti olan MOSSAD-ın rəhbəri Yossi Kohen hədəf aldıqları ölkənin adını açıqlayıb.

MOSSAD-ın baş qərargahında çıxış edən Kohen, casus təşkilatların milli, təhlükəsizlik və diplomatik prioritetlərə əsaslanan uzunmüddətli bir plan üzərində işlədiyini bildirib.

“MOSSAD-ın hədəfləri dəqiq olaraq qalır: İranın nüvə gücünü artırmasını izləyirik”, – Kohen belə deyib.

Kohen açıqlamasında bildirib ki, MOSSAD hər il hədəfdə olan ölkələrdə minlərlə aksiya həyata keçirir. MOSSAD başçısı hədəfə aldıqları ölkələrin çox ciddi mühafizə edilən və mərkəzi bölgələrində əməliyatlar keçirdiklərini deyib.