Boyukmillet.com Biz yanmasaq vətən yanar
“Kibertəhlükəsizliyin kritik əhəmiyyətini hamımız başa düşürük və bu səbəbdən kibertəhlükəsizlik sahəsində proaktiv yanaşmaya ehtiyac yaranıb”.
Boyukmillet.com xəbər verir ki, bunu Azərbaycan Kibertəhlükəsizlik Mərkəzinin ilk Məzun Günündə rəqəmsal inkişaf və nəqliyyat nazirinin müavini Samir Məmmədov deyib.
Onun sözlərinə görə, kibertəhlükəsizlik artıq milli təhlükəsizlik məsələsinə çevrilib: “Bunu Azərbaycan və İsrail liderləri keçirdikləri görüşdə də bəyan ediblər. Bu gün Daxili İşlər Nazirliyinin tərkibində kibertəhlükəsziliklə bağlı yeni bölmənin olması da bunu bir daha sübut edir. Kibertəhlükəsizlik strateji planlaşdırmanın tərkib hissəsi olmalıdır. Bu baxımdan ilk Məzun Gününü keçirdiyimiz Azərbaycan Kibertəhlükəsizlik Mərkəzinin əhəmiyyəti böyükdür. İsrailin “Technion” Universitetinin dəstəyi ilə yaradılmış bu mərkəzdə yaxın 3 ildə 1 000-ə yaxın mütəxəsis yetişdirməyi düşünürük. Mərkəzdə təhsil almaq üçün 2 300 şəxsdən müraciət daxil olmuşdu. Onların arasından 60 nəfər seçdik. Bunun isə 14-ü xanımdır və texnologiya sahəsində böyük bir uğurdur”.
