Çərşənbə , 1 Fevral 2023

Pentaqon: Türkiyə ilə diplomatik mübahisələr hərbi əməkdaşlığa toxunmur

ABŞ-ın müdafiə naziri Ceyms Mettis bildirib ki, diplomatik sahədə ABŞ və Türkiyə arasında yaranmış problemlər hərbi əməkdaşlığa zərər vurmur.

Bu barədə “Report” xarici KİV-ə istinadən xəbər verir.

“Bu ölkə NATO üzrə müttəfiqdir. Biz vahid düşmənə qarşı ümumi mövqe tutmaq üçün gərgin iş aparacağıq. Hərbçilərin xətti ilə birgə yaxşı işləyəcəyik”, – deyə o qeyd edib.

O, həmçinin qeyd edib ki, ötən ildə də iki ölkə arasında diplomatik fikir ayrılıqları yaranıb. Lakin bu, ABŞ və Türkiyənin hərbi əməkdaşlığına təsir göstərməyib.

Qeyd edək ki, ABŞ-ın İstanbuldakı Baş Konsulluğunun əməkdaşı Metin Topuzun həbsindən sonra bu ölkənin Ankaradakı səfirliyi Türkiyə vətəndaşlarına qeyri-immiqrant vizaların verilməsinin dayandırlılmasına dair qərar verib. Bundan dərhal sonra Türkiyənin ABŞ-dakı səfirliyi də analoji addım atması ilə bağlı qərarını açıqlayıb.  

Check Also

Kamran Əliyev Münhenin Baş prokuroruna terrorçuluğa qarşı mübarizə fəaliyyəti barədə məlumat verib

Baş prokuror Kamran Əliyev Almaniyanın Münhen şəhərinin Baş prokuroru Reinhald Röttlenə terrorçuluğa qarşı mübarizədə fəaliyyəti …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir