Cümə , 21 İyun 2024
Drone Cameras

Reks Tillersonun ABŞ dövlət katibi vəzifəsinə namizədliyi Senatın beynəlxalq münasibətlər komitəsi tərəfindən təsdiqlənib

Prezident Trampın ABŞ dövlət katibi vəzifəsinə təklif etdiyi “ExxonMobil” şirkətinin sabiq prezidenti Reks Tillersonun namizədliyi yanvarın 23-də Senatın beynəlxalq münasibətlər komitəsi tərəfindən təsdiqlənib. Komitədə çoxluq təşkil edən respublikaçı senatorlar Tillersonun namizədliyinin lehinə 11 səs, demokrat senatorlar isə onun namizədliyinin əleyhinə 10 səs veriblər. Trampın və Tillersonun əleyhdarlarından biri, ABŞ prezidenti vəzifəsinə keçmiş namizəd respublikaçı senator Marko Rubionun Tillersonun “xeyrinə” səs verməsi həlledici rol oynayıb. Rubio Tillersonu dəstəkləmək üçün səs vermək qərarını belə izah edib ki, Reks Tillersonun namizədliyinin Komitə tərəfindən təsdiqlənməsinin uzadılması ABŞ-ın milli maraqlarına müvafiq deyil.

Gözlənildiyinə görə, Reks Tillersonun ABŞ dövlət katibi vəzifəsinə qəti təsdiq edilməsi barədə Senatın tam tərkibinin iştirakı ilə səsvermə gələn həftə keçiriləcək.

 

AZƏRTAC

Check Also

Türkdilli dövlətlərin nazirlərinin elm və təhsil sahəsində növbəti iclasları Şuşada keçiriləcək

İyunun 1-də Şuşa şəhərində Türk Dövlətləri Təşkilatı Təhsil Nazirlərinin VIII İclası və Türk Akademiyasının Elmi …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir