Cümə , 29 Mart 2024
Drone Cameras

Sabir Rüstəmxanlı: “Nazirlikdən zənglərimizə cavab verən olmadı”

Əhməd bəy Ağaoğlunun həyatından bəhs edən “Difai fədailəri” adlı əsərimə film çəkilməsi üçün Mədəniyyət Nazirliyinə müraciət etmişəm, lakin müraciətim cavabsız qalıb.

 Boyukmillet.com xəbər verir ki, bu sözləri açıqlamasında xalq şairi Sabir Rüstəmxanlı deyib. O, millət vəkili Qənirə Paşayevaya Milli Məclisdə “Difai fədailəri” əsərinə film çəkilməsiylə bağlı fikir səsləndirdiyinə görə təşəkkür edib:

“Qənirə xanıma bu məsələni yenidən gündəmə gətirdiyi üçün çox təşəkkür edirəm. Mən “Difai fədailəri” əsərimi iki il əvvəl yazmışam və onun motivləri əsasında film çəkilməsi üçün ssenari də hazırlamışam. Bunun üçün Mədəniyyət Nazirliyinə də müraciət etdim, lakin onlardan hələ cavab gəlməyib. Bu ilin əvvəlində Mədəniyyət naziri Əbülfəz Qarayevlə bu barədə söhbətimiz də oldu. O, “imkan olanda bu məsələyə qayıdarıq” dedi. Düşünürəm ki, Əhməd bəy Ağaoğluyla bağlı film çəkilməsi çox vacibdir və belə bir film ərsəyə gəlsə, çox sevinərəm”.

Məsələ ilə bağlı Mədəniyyət Nazirliyi ilə əlaqə saxlasaq da, zənglərimizə cavab verilmədi.

Qeyd edək ki, millət vəkili Qənirə Paşayeva bu gün Milli Məclisdə Prezident İlham Əliyevə ictimai xadim Əhməd bəy Ağaoğlunun 150 illik yubileyinin keçirilməsi haqqında imzaladığı sərəncama görə təşəkkür edərək, Ağaoğlunun abidəsinin ucaldılması və onun haqqında Sabir Rüstəmxanlının müəllifi olduğu “Difai fədailəri” əsəri əsasında filmin çəkilməsi təklifini irəli sürüb.

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir