Cümə , 29 Mart 2024
Drone Cameras

Son günlər Bakıda rast gəlinən XÜSUSİ GEYİMLİ BU ŞƏXSLƏR kimlərdir? – AÇIQLAMA

Son günlərdə Bakıda və regionlarda xüsusi formalı şəxslərə rast gəlinir.

Onların formasına “polisə ictimai dəstək” yazılıb. Vətəndaşlar bu şəxslərin şəkillərini çəkərək sosial şəbəkədə paylaşırlar. Həmin şəkillərə rəy yazanların bəziləri onları qınayır, bəziləri isə vətəndaşların polis orqanları ilə əməkdaşlığını müsbət dəyərləndirir.

“Bizim Yol”-a açıqlama verən “Polisə Dəstək” İctimai Birliyinin sədri, təqaüddə olan polis polkovniki Şəmsəddin Əliyev bildirir ki, “polisə ictimai dəstək” polisin nüfuzunun və imicinin artmasına müsbət təsir göstərəcək.

“Mən bilirəm ki “Azərbaycanda polisin sayı kifayət qədər var, ictimai polisə ehtiyac yoxdur” deyə düşünən vətəndaşlarımız var. Onlar hesab edirlər ki, polisin şəxsi heyyətinin sayı çoxdur və ictimai polisə ehtiyac yoxdur.

10 milyona yaxın əhali sayına görə Azərbaycan polisinin ştat vahid sayı iki minə yaxın azdır. Dövlət büdcəsi üçün ictimai polisin saxlanması polis saxlanmasından daha yaxşıdır. Çünki xərcləri azdır”,- deyə Ş.Əliyev bildirir.

Ekspert deyir ki, bir neçə ay öncə prezident İlham Əliyev ictimai asayişin qorunmasında vətəndaşların iştirakının təmin edilməsi barədə fərman imzalayıb. Fərmana əsasən, vətəndaşlar polislə əməkdaşlıq edəcək. Hərbi xidməti keçmiş, boyu, 1.70-dən yuxar olan kişi cinsindən olan şəxslər könüllü olaraq ictimai polis xidməti ilə məşğul olacaqlar. Polis orqanları həmin şəxslərə davranış qaydalarını, cinayətkarlıqla mübarizədə üsul və vasitələri öyrədəcəklər. Ehtimal edirəm ki, həmin şəxslər tədricən polis orqanlarında xidmətə keçiriləcək.

Formasına “polisə ictimai dəstək” yazılmış şəxslərə əmək haqqı büdcədə nəzərdə tutulub. Onlar xüsusi forma və digər xidməti vasitələrlə təmin olunacaqlar. Amma polis əməşdaşlarından fərqli olaraq onlar tabel silahı ilə təmin olunmayacaq.

Ekspertin sözlərinə görə, ictimai polis məsələsi bu ilin əvvəlində ATƏT-in Bakı Ofisi ilə Daxili İşlər Nazirliyinin birgə keçirdiyi “Cəmiyyət dəstəkli polis” layihəsində gündəmə gəlmişdi: “Mən özüm də həmin layihədə vətəndaş cəmiyyətinin nümayəndəsi olaraq iştirak etdim. ATƏT-in və Daxili İşlər Nazirliyin apardığı araşdırmalar, apardığı təhqiqatlarda sübut olunur ki, cinayətkarlığa qarşı mübarizədə, insan hüquq və azadlıqlarının, təhlükəsizliyin təminatında vətəndaşların da dəstəyi olması öz səmərəsini verir. Bu baxımdan “polisə ictimai dəstək” xidmətinin yaradılması əhəmiyyətlidir”.

Ekspertin sözlərinə görə, bu təcrübə Türkiyəndə, Böyük Birtaniyanda və İsraildə var: “Azərbaycanda “polisə ictimai dəstək” adlanan şəxslər Türkiyədə “İctimai Polis”, Böyük Britaniyada “cəmiyyət və yaxud ictimai dəstəkli polis” və İsraildə “Təhlükəsizliyə Dəstək” adlanır.

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir