Bazar ertəsi , 3 Oktyabr 2022
Home » Dünya » Tənzilə Rüstəmxanlı: “Tahir Rzayev ölkənin bütün qadınlarından üzr istəməlidir”

Tənzilə Rüstəmxanlı: “Tahir Rzayev ölkənin bütün qadınlarından üzr istəməlidir”

Onun kimi deputatlar ölkəmizin nüfuzuna zərbə vurur”

Bu sözləri  Azərbaycan Türkiyə Evinin rəhbəri , Azər-Türk Qadınlar Birliyinin sədri  Tənzilə Rüstəmxanlı deyib.

O bildirib ki, Tahir Rzayevin deputatlıq mandatı müzakirə olunmalıdır:

“Əgər bir ölkənin millət vəkili atla qadını müqayisə edirsə, görün, cəmiyyətin qadına münasibəti nə yerdədir. Buna nə ad verək? Yazıqlar olsun! Bu cür deputatlar ölkəmizi beynəlxalq qurumlar qarşısında biabr edir. Qadın hüquqları təşkilatları, ictimai qurumlar, mətbuat bu şəxsin üzərinə getməlidir. Tahir Rzayev ölkənin bütün qadınlarından üzr istəməlidir, ya da onun mandatı müzakirə olunmalıdır”.

T.Rüstəmxanlı onu da qeyd etdi ki, qadın millət vəkilləri də Tahir Rzayevin dediyi fikrə sərt münasibət bildirməlidir.

Xatırladaq ki, millət vəkili Tahir Rzayev qadınları atla müqayisə edərək “Heç vaxt yürüyən ata qamçı vurmurlar. Əgər qadın evdə kişinin sözünü eşitmirsə, hegemonluq etmək istəyirsə, kişi də əsəbiləşib ona bir söz deməlidir də!” 

Check Also

Vətən müharibəsi şəhidinin büstünün açılışı olub

Cəlilabadda Vətən müharibəsi qəhrəmanı şəhid Rəşad Abdullayevin büstünün açılış mərasimi olub. Boyukmillet.com xəbər verir ki, …