Tovuzda 6 kəndi dolu vurdu – Sakinlərə dəymiş ziyan hesablanır

Qeyri-sabit hava şəraiti Tovuz rayonunda təsərrüfata ziyan vurub. Bu barədə Trend-ə Tovuz rayon İcra Hakimiyyətindən məlumat verilib.

Məlumatda bildirilir ki, iyunun 12-də gecə saatlarında rayonun 6 kəndinə dolu düşüb. Hadisə nəticəsində rayonun Əlimərdanlı, Şıxheybət, Muncuqlu, Qoşa, Pələkli və Çataq kəndlərində kartof sahələrinə ziyan dəyib ki, bunun da məhsuldarlığa təsiri qaçılmazdır. Hazırda ərazidə sakinlərə dəymiş ziyan hesablanır.

İcra Hakimiyyətindən bildiriblər ki, hadisə nəticəsində rayon ərazisindəki evlərə, obyekt və yollara ciddi ziyan dəyməyib.