Boyukmillet.com Biz yanmasaq vətən yanar
ABŞ prezidenti Donald Tramp hazırda Rusiya və Ukraynanın bir-birinin bütün enerji infrastrukturuna deyil, yalnız neft emalı zavodlarına zərbələrin dayandırılması barədə razılığa gəlməsinə diqqət yetirir.
Boyukmillet.com Axios-a istinadən xəbər verir ki, Tramp Rusiyadan Ukraynanın mülki enerji infrastrukturuna zərbələri dayandırmasını istəməyib: “Ağ Evin yüksək vəzifəli rəsmisi izah edib ki, müzakirə hər iki tərəfin neft emalı zavodlarına hücumları dayandırmaq barədə razılığa gələcəyi potensial razılaşma ilə bağlıdır. Tramp isə Zelenskinin bu şərtə əməl etməsini gözləyir”.
Portalın öz məlumatlarına görə, tərəflər, Amerika prezidentinin iddialarının əksinə olaraq, hələlik belə öhdəliklər götürməyiblər.
Ukrayna tərəfi belə yanaşmanı doğru hesab etmir, yalnız bir neft emalı zavodu olduğunu və onun da Rusiyanın zərbələri nəticəsində artıq fəaliyyət göstərmədiyini bildirir. Eyni zamanda Rusiyanın neft zavodlarınının işğalçı ordunun texnikasını yanacaqla, dövlət büdcəsini müharibəni davam etdirmək üçün gəlirlə təmin etdiyi bildirilir.
