Çərşənbə , 7 Dekabr 2022
Home » Dünya » Vergilər Nazirliyində növbəti struktur dəyişiklikləri

Vergilər Nazirliyində növbəti struktur dəyişiklikləri

Azərbaycan Vergilər Nazirliyində bir sıra idarələr departamentlərə çevrilib.

Trend-in nazirliyə istinadən verdiyi məlumata görə, dəyişikliklər vergi siyasəti və strateji araşdırmalar, daxili təhlükəsizlik, vergi risklərinin təhlili və nəzarət, eləcə də hüquq idarələrində baş verib.

Bundan başqa, Vergi ödəyicilərinə xidmət Baş idarəsi Vergi ödəyicilərinə xidmət və şəffaf vergi partnyorluğu Departamenti, Ərazi vergi orqanları ilə iş üzrə Baş İdarə Ərazi vergi orqanları ilə iş Departamenti, Beynəlxalq əməkdaşlıq və maliyyə təşkilatlarında vergi monitorinqi Baş idarəsi eyniadlı departament olaraq adlandırılıb.

Bu dəyişikliklərlə birgə hazırda nazirliyin tərkibində bir baş idarə – vergi cinayətləri və vergi borclarının alınması işinin təşkili baş idarəsi, 11 departament, 3 idarə və şöbə, nazirliyin aparatı, bir bölmə və tədris mərkəzi mövcuddur.

Check Also

Regionda təxribata əl atan ölkə qarşısında Türkiyə-Azərbaycan Vahid Ordusunu görəcək! – ŞƏRH

Azərbaycan Türkiyənin bütün sahələrdə olduğu kimi hərbi sahədə də tərəfdaşıdır. İndiyədək iki ölkə arasında hərbi …