Cümə , 30 İyul 2021
Home » Dünya » Azay Quliyev: `Fransaya etirazımızı bildirməliyik`

Azay Quliyev: `Fransaya etirazımızı bildirməliyik`

“Fransa prezidenti Fransua Ollandın erməni diaspor nümayəndələri ilə görüşdə səsləndirdiyi “Xalqlar öz müqəddəratını həll etməlidir” ifadəsi ermənilərin işğalçılıq siyasətinə xidmət edir”.
 
Bunu Milli Məclisin bu gün keçirilən plenar iclasında millət vəkil Azay Quliyev deyib.
 
Deputat bildirib ki, Azərbaycanın Xarici İşlər Nazirliyi bununla bağlı Fransaya nota verməlidir: “Bu cür hallar dəfələrlə baş verib. Fransanın münaqişə ilə bağlı sərgilədiyi mövqe həmişə erməniləri dəstəkləmək olub. Bu gün separatçı rejimlə ən çox əlaqə quran Fransadır. Buna görə Fransaya etiraz notası göndərilməlidir. Onun daşıdığı mandata uyğun olmadığı qeyd olunmalıdır. Bizim XİN bu məsələyə adekvat cavab verməlidir. Azərbaycan olaraq Fransaya öz etirazımızı bildirməliyik”.
 
Milli Məclisin sədri Oqtay Əsədov isə deyib ki, Fransan prezidentinin fikirləri təhrif olunub: “Fransa Prezidentinin çıxışı tam yazılmayıb. Onun dedikləri erməni mətbuatından götürülüb, bu da təhrifdən ibarətdir. Səməd Seyidova göstəriş verdim, bununla bağlı araşdırma apardı, çıxışın tam yazılmadığı öz əksini tapdı”.

Check Also

Ermənistan BMT Təhlükəsizlik Şurasına müraciət edə bilər

Ermənistan sərhəddəki vəziyyətlə bağlı BMT Təhlükəsizlik Şurasına müraciət edə bilər.  Boyukmillet.com xəbər verir ki, bu …