Region

Türkiyə rəsmiləri koronavirusla əlaqədar vəziyyətə görə mövcud qapanma rejimini sərtləşdirməyə qərar veriblər. Boyukmillet.com ölkənin Daxili İşlər Nazirliyinin saytındakı məlumata əsasən xəbər verir ki, yeni qapanma tədbirləri mayın 7-də qüvvəyə minəcək. Pandemiyanın başlanğıcından bəri Türkiyədə 4,9 milyondan çox insan COVID-19-a yoluxub, 41 min xəstə ölüb. “Mayın 7-dən etibarən mağazalarda, o cümlədən supermarket şəbəkələrində yalnız əsas qida məhsullarının, gigiyena məhsullarının, ev heyvanları üçün qidaların və kosmetik …

Qarabağdakı keçmiş qondarma rejimin rəhbəri Arayik Arutyunyan konstitusiya quruluşunun devrilməsi işi üzrə dindirilib. Boyukmillet.com xəbər verir ki, bu barədə o, “Facebook” hesabında bildirib. Arutyunyan konstitusiya quruluşunun devrilməsi maddəsi ilə başlanan cinayət işi üzrə dindirildiyini qeyd edib. O əlavə edib ki, ictimai tələbi nəzərə alaraq yaxın günlərdə 44 günlük müharibə ilə bağlı bəzi sualları cavablandıracaq.

Hazırda Gürcüstan həbsxanalarında Azərbaycanın 107 vətəndaşı cəza çəkir. Boyukmillet.com xəbər verir ki, bu barədə Gürcüstanın Milli Statistika İdarəsinin mart ayı üzrə hesabatında bildirilib. Aylıq müqayisədə Azərbaycan vətəndaşlarının sayı 1 nəfər azaıb. Onların 10-u ittiham olunan, 97-si isə məhkumdur. Məhkumların 3-ü yeniyetmədir. Gürcüstanda probasiya nəzarətində saxlanılan 25 nəfər Azərbaycan vətəndaşı var. Onların sayı aylıq müqayisədə 5 nəfər azalıb. Həmin şəxslərin 22-si kişi, 3-ü qadındır. Qonşu ölkədə ümumilikdə 531 nəfər …

Türkiyədə aprelin 29-dan mayın 17-ə qədər tətbiq olunacaq tam qapanma ilə bağlı təlimatlar ölkənin Daxili İşlər Nazirliyi tərəfindən 81 vilayətin aidiyyəti qurumlarına göndərilib. Boyukmillet.com xəbər verir ki, qardaş ölkədə COVID-19-a qarşı qabaqlayıcı tədbirlər çərçivəsində tətbiq ediləcək tam qapanma aprelin 29-u saat 19:00-dan mayın 17-i saat 05:00-dək davam edəcək. Təlimatlara əsasən, bu müddət ərzində “Evdə qal!” məhdudiyyəti aralıqsız qüvvədə olacaq. Əhalinin …

Türkiyə ordusunun İraqın şimalında keçirdiyi “Pence-Şimşek” əməliyyat davam edir. Boyukmillet.com  “trthaber”ə istinadən xəbər verir ki, ötən gün keçirilən əməliyyatlar zamanı Türk ordusunun bir əsgəri şəhid olub. Türkiyə Müdafiə Nazirliyinin verdiyi açıqlamaya görə, terrorçular tərəfindən quraşdırılan partlayıcının işə düşməsi nəticəsində bir əsgər ağır yaralanıb. Yaralı hərbçi xəstəxanaya aparılsa da, onun həyatını xilas etmək mümkün olmayıb.

Gürcüstan paytaxtı Tiflisdəki Muza Teatrında ənənəvi millətlərarası “Apolon 2021” musiqi festivalı keçirilib. Boyukmillet.com xəbər verir ki, millətlər arasında mədəni əlaqələrin inkişafı məqsədilə təşkil olunan festivalda, Azərbaycan, gürcü, erməni və digər millətlərin nümayəndələri çıxış edib, öz musiqilərini və mədəniyyətlərini təbliğ ediblər. Azərbaycanı bu festivalda “Ceyran” rəqs qrupu və “Meydan” aşıqlar qrupu təmsil ediblər. Azərbaycanlı balacaların “Nəlbəki” və “Naz eləmə” rəqsləri, eləcə …

Azərbaycanın mehriban qonşuluq və bölgədə barış siyasəti bəzilərində yanlış xəyallar yaradır və məkrli niyyətləri üzə çıxarır. Növbəti belə bir zərbəni Gürcüstandan almışıq. Yaxın keçmişdə Keşikçidağ olayı, Borçalıda yaşayan soydaşlarımıza qarşı diskriminasiya siyasəti, işğalçı Ermənistana yanacaq dəhlizinin açılması kimi xoşagəlməz hallara qonşuluq münasibətləri pozulmasın deyə göz yummağa çalışılıb. Bu dəfə Gürcüstanı Avropa Şurası Parlament Assambleyasında təmsil edən nümayəndə heyətinin üzvləri tam …

Şimali Kipr Türk Cümhuriyyətinin Prezidenti Ersin Tatarın atası Rüstəm Tatar vəfat edib. Boyukmillet.com xəbər verir ki, Kipr Türk xalqının milli mücadiləsinin hər mərhələsində böyük vəzifələri üzərinə götürən və mühüm vəzifələrdə olan Rüstəm Tatar bu gün səhər saatlarında dünyasını dəyişib. Rüstem Tatarın cənazəsi bu gün Lefkoşa qəbirstanlığında pandemiya qaydaları çərçivəsində, ailə üzvlərinin və yaxınlarının iştirakı ilə dəfn ediləcək.

Türkiyənin Milli Müdafiə Nazirliyi Yunanıstan və Türkiyənin “etimad qurma tədbirləri” üçün görüşlərin dördüncü mərhələsi üçün razılığa gəldiklərini açıqlayıb. Boyukmillet.com-un məlumatına görə, bu barədə Türkiyə Milli Müdafiə Nazirliyinin yaydığı rəsmi açıqlamada bildirilib. “Türkiyə və Yunanıstan Müdafiə nazirlikləri etimad tədbirləri mövzusunda görüşlərin dördüncü mərhələsinin keçirilməsinə dair razılığa gəldilər. Planlaşdırılan görüşün tarixi və digər detalları yaxın gələcəkdə müəyyənləşdiriləcək”,-deyə açıqlamada qeyd olunub.

Türkiyə Karate Federasiyasının prezidenti Esat Delihasan dünyasını dəyişib. Boyukmillet.com “NTV Spor”a istinadən xəbər verir ki, 52 yaşlı funksionerin ölümünə səbəb koronavirusa yoluxması olub. O, İstanbul şəhərində müalicə aldığı xəstəxanada vəfat edib. Qeyd edək ki, Esat Delihasan 2008-ci ildən federasiyaya rəhbərlik edib.