Çərşənbə , 7 Dekabr 2022
Home » Dünya » Ermənistanda “Nairit” kimya zavodu müflis elan olunub

Ermənistanda “Nairit” kimya zavodu müflis elan olunub

Ermənistanın strateji müəssisələrindən sayılan “Nairit” zavodunun müflisləşdiyi elan olunub.

“Report” Ermənistan KİV-inə istinadən xəbər verir ki, Yerevanın Şenqavit Rayon Məhkəməsi “Ermənistan Elektrik Şəbəkəsi”nin zavodla bağlı müraciəti əsasında bu qərarı qəbul edib.

Məlumata görə, 2009-cu ilin mayında zavodun elektrik enerjisi ilə tchiz edilməsi barədə müəssiəsə ilə şəbəkə arasında müqavilə imzalanıb. Həmin tarixdən indiyədək zavodun şəbəkəyə 2,5 milyon dollara yaxın borcu var. Zavod ötən müddət ərzində bu borcu ödəyə bilməyib.

Qeyd edək ki, “Nairit” kimya zavodu öz işçilərinin əmək haqqını ödəyə bilmir. Zavodun binası qarşısında ödənilməyən maaşların verilməsi barədə fəhlələr dəfələrlə etiraz aksiyası keçiriblər. Zavodun işçilərə borcu 15 milyon dollardır.

Xatırladaq ki, bu zavod Ermənistanın strateji müəssisələrindən sayılır. Zavodun sahibi “Rhiniville Property Limited” şirkətidir. “Nairit” xloropren kauçuk istehsal edir. 2014-cü ilin əvvəlində Ermənistan hökuməti zavodu qoruyub saxlamaq üçün Rusiyanın “Rosneft” şirkəti ilə danışıqlar aparıldığını bəyan etmişdi. Ancaq 2014-cü ilin sentyabrında Ermənistanın energetika naziri “Rosneft”in zavoda sərmayə qoymaq planlarından xəbərsiz olduğunu deyib.

“Rhiniville Property Limited” şirkətinə məxsus olan zavodun istehsal etdiyi məhsula tələbat azaldığından 2008-ci ildən istehsalatı dayandırıb.

Check Also

Regionda təxribata əl atan ölkə qarşısında Türkiyə-Azərbaycan Vahid Ordusunu görəcək! – ŞƏRH

Azərbaycan Türkiyənin bütün sahələrdə olduğu kimi hərbi sahədə də tərəfdaşıdır. İndiyədək iki ölkə arasında hərbi …