Cümə axşamı , 28 Mart 2024
Drone Cameras

İlin son gimnastika yarışı başladı

Bu gün Bakıda, Milli Gimnastika Arenasının köməkçi zalında kişi və qadın idman gimnastikası üzrə 23-cü Azərbaycan çempionatı, açıq Bakı birinciliyi və akrobatika gimnastikası üzrə 23-cü Azərbaycan çempionatı başlayıb.

Trend-in məlumatına görə, yarışların hər iki günü kişi idman gimnastları 6 yaş kateqoriyası (yeni başlayanlar – 2008-2009, kiçiklər – 2006-2007, balacalar – 2003-2004, yeniyetmələr – 2001-2003, gənclər – 1999-2001, böyüklər – 1998-ci il təvəllüdlülər və daha böyüklər), qadın idman gimnastları isə 4 yaş kateqoriyasında (kiçiklər 2009, uşaqlar 2007-2008, balacalar 2006, gənclər, böyüklər 2002-ci il və daha böyüklər) çıxış edəcəklər.

Akrobatika gimnastikası üzrə turnirdə isə balacalar (2002-2010), uşaqlar (2000-2007), yeniyetmələr (1998-2006) və böyüklər (2002-ci il təvəllüdlü və daha böyüklər) yaş kateqoriyasında yer almış kişi cütlükləri, qadın cütlükləri, qarışıq cütlüklər və qadın qrupları balans, temp və qarışıq hərəkətləri icra edəcəklər.

Yarışlarda ümumilikdə 115 gimnast Bakı Gimnastika Məktəbi, Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, “Ocaq Sport” Klubu, “Neftçi” klubu, Respublika Olimpiya İdman Liseyi və Sumqayıt şəhərini təmsil edəcəklər.

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir