Bazar ertəsi , 27 Sentyabr 2021
Home » Dünya » Kreml Ukraynanın etiraz notasına münasibət bildirib

Kreml Ukraynanın etiraz notasına münasibət bildirib

Rusiya prezidentinin ölkənin hər hansı regionuna, o cümlədən Krıma səfər etmək hüququ var.

APA-nın Moskva müxbirinin verdiyi məlumata görə, bunu Kremlin sözçüsü Dmitri Peskov Ukrayna tərəfinin Vladimir Putinin Krıma səfəri ilə bağlı etiraz notasına münasibət bildirərkən deyib.

“Ukrayna ənənəvi olaraq etiraz edir. Biz də ənənəvi olaraq bu etirazları diqqətə almırıq. Prezident lazım bildiyi regiona səfər edir. Bu, Rusiyanın daxili işidir. Bunun heç bir dövlətə, o cümlədən Ukraynaya dəxli yoxdur”, – deyə D. Peskov bildirib.

Qeyd edək ki, V. Putin dünən Krımın Yalta şəhərində keçirilən Ümumrusiya Xalq Cəbhəsi Forumunun plenar iclasında iştirak edib.

Check Also

Anım günü ilə əlaqədar Bakının bir sıra küçə və prospektlərində hərəkət iki gün məhdudlaşdırılacaq

27 sentyabr – Anım Günü ilə əlaqədar keçiriləcək tədbirlərlə əlaqədar təhlükəsizliyi təmin etmək məqsədilə sentyabrın …