Bazar ertəsi , 21 İyun 2021
Home » Dünya » MDB ölkələrinin Daimi Səlahiyyətli Nümayəndələr Şurasının bu il ilk iclası keçirilib

MDB ölkələrinin Daimi Səlahiyyətli Nümayəndələr Şurasının bu il ilk iclası keçirilib

Yanvarın 12-də Belarusun paytaxtında, MDB İcraiyyə Komitəsində Birlik ölkələrinin qurumun nizamnamə və digər orqanları yanında Daimi Səlahiyyətli Nümayəndələr Şurasının (DSNŞ) bu il ilk iclası keçirilib.

Birliyin Minskdəki qərargahının mətbuat xidmətindən AZƏRTAC-a bildiriblər ki, iclası 2017-ci ildə Şuraya sədrlik edən Rusiya Federasiyasının daimi nümayəndəsi Andrey Şvedov açıb.

MDB İcraiyyə Komitəsinin sədri – icraçı katib Sergey Lebedev Daimi Səlahiyyətli Nümayəndələr Şurasının sədri vəzifəsində A.Şvedova uğurlar arzulayıb. Onun fikrincə, DSNŞ MDB-nin ən mühüm inteqrasiya strukturlarından biridir. S.Lebedev ötən il Qırğızıstanın MDB-yə sədrliyinin yüksək qiymətləndirilməsi ilə bağlı səslənən fikirlərə qoşularaq, ən mühüm məsələlərin, o cümlədən Birliyin fəaliyyətinin təkmilləşdirilməsi və onun mümkün transformasiyası məsələlərinin həllində konstruktiv əməkdaşlığa, qarşılıqlı anlaşmaya və dəstəyə görə daimi səlahiyyətli nümayəndələrə təşəkkürünü bildirib.

Daimi səlahiyyətli nümayəndələr Birlik ölkələrinin əməkdaşlığının və orqanlarının fəaliyyətinin müxtəlif sahələrinə, MDB-nin ali orqanlarının iclaslarının gündəliklərinin formalaşmasına, Birlik çərçivəsində qəbul edilmiş sənədlərin həyata keçirilməsinə dair məsələlərə baxılmasını nəzərdə tutan 2017-ci il üçün fəaliyyət planını təsdiq ediblər.

Şura üzvləri onların səlahiyyətində olan bir sıra digər məsələləri də müzakirə ediblər.

 

AZƏRTAC

Check Also

Təqaüd alanlara vacib xəbər

İyunun 23-də bütün müavinət, təqaüd və kompensasiyaların ödənilməsi nəzərdə tutulub.Bu barədə  Dövlət Sosial Müdafiə Fondunun …