Cümə , 3 Dekabr 2021
Home » Dünya » Sabirabaddakı qəzada 9 nəfər yaralanıb, 1 nəfər ölüb

Sabirabaddakı qəzada 9 nəfər yaralanıb, 1 nəfər ölüb

Sabirabad rayonunun Bulaqlı kəndi ərazisində – Hacıqabul-Bəhrəmtəpə magistralında yük avtomobilinin avtobusla toqquşması nəticəsində 9 nəfər yaralanıb, 1 nəfər isə dünyasını dəyişib.

Bunu Trend-ə Sabirabad Mərkəzi Rayon Xəstəxanasının baş həkiminin müavini Qalib Rəhbəri deyib.

Onun sözlərinə görə, yaralıların biri kəllə-beyin travması, qalanları isə əzik, sınıq xəsarətləri alıblar. Onların hamısının vəziyyəti orta-ağır qiymətləndirilir. Dünyasını dəyişən uşaq isə xəstəxanaya gətirilməyib.

Q.Rəhbəri yaralıların Səhiyyə Nazirliyinin, eləcə də Sabirabad rayon icra başçısı Nazim İsmayılovun nəzarəti altında olduğunu bildirib. O qeyd edib ki, N.İsmayılov bu gün xəstələrə baş çəkib.

Check Also

ÜST: “Omikron” ştamı COVID-19-a təkrar yoluxma riskini artırır”

“İlkin məlumatlara görə, “Omikron” ştamı COVID-19 infeksiyasına yüksək təkrar yoluxma riskinə malikdir, yəni xəstəliyi artıq …