Ukraynalı deputatlar Azərbaycana gəlir

Ukrayna Ali Radasının Ukrayna-Azərbaycan parlamentlərarası dostluq qrupunun üzvləri fevralın 19-da Azərbaycana səfər edəcək. SİA-nın məlumatına görə, bu barədə Ukraynanın Bakıdakı səfiri Aleksandr Mişenko məlumat verib. Onun sözlərinə görə, səfərdə əsas məqsəd iki ölkənin parlamentləri arasında əməkdaşlığı canlandırmaqdır. Deputat qrupunun Milli Məclisin sədri Oqtay Əsədov, xarici işlər naziri Elmar Məmmədyarov və digər rəsmilərlə görüşləri planlaşdırılır.