Şənbə , 15 İyun 2024
Drone Cameras

Vəkil QMİ-nin sabiq sektor müdirinə bəraət istəyib

Bu gün Bakı Ağır Cinayətlər Məhkəməsində dövlətə xəyanət etməkdə təqsirləndirilən ilahiyyatçı, Qafqaz Müsəlmanları İdarəsinin (QMİ) sabiq sektor müdiri Elşən Mustafaoğlunun cinayət işi üzrə məhkəmə prosesi davam etdirilib.

“Report”un məlumatına görə, hakim Səbuhi Hüseynovun sədrliyi ilə keçirilən qapalı prosesdə E.Mustafaoğlunun vəkili Əfqan Məmmədov müdafiə çıxışı edib.

O, hüquqlarını müdafiə etdiyi şəxsin günahsız olduğunu bildirib. Ə.Məmmədov müvəkkilinin barəsində irəli sürülən maddə ilə razı olmadığını deyib. Vəkil E.Mustafaoğlunun barəsində bəraət hökmünün çıxarılmasını istəyib.

E.Mustafaoğlu son sözlə çıxış etmək üçün məhkəmədən vaxt istəyib.

Məhkəmənin növbəti iclası dekabrın 22-nə təyin edilib.

Xatırladaq ki, ötən məhkəmə iclasında dövlət ittihamçısı çıxışında E.Mustafaoğlunun 12 il müddətinə azadlıqdan məhrum edilməsini istəyib.

Qeyd edək ki, E.Mustafaoğlu 2014-cü ildə həbs olunub. O, Cinayət Məcəlləsinin 274-cü (dövlətə xəyanət) maddəsi ilə ittiham olunur.

Check Also

Türkdilli dövlətlərin nazirlərinin elm və təhsil sahəsində növbəti iclasları Şuşada keçiriləcək

İyunun 1-də Şuşa şəhərində Türk Dövlətləri Təşkilatı Təhsil Nazirlərinin VIII İclası və Türk Akademiyasının Elmi …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir