Çərşənbə , 5 Oktyabr 2022
Home » Dünya » Avrokomissiya: Aİ Azərbaycanla əlaqələri genişləndirməyə çalışır

Avrokomissiya: Aİ Azərbaycanla əlaqələri genişləndirməyə çalışır

Avropa Komissiyasının Avropa Qonşuluq Siyasəti və genişlənmə danışıqları üzrə baş direktoru Kristian Danielson ADA universitetində “Aİ və Azərbaycan arasında əməkdaşlığın qlobal kontekstdə çağırışları və imkanları” mövzusunda mühazirə oxuyub.

Trend-in məlumatına görə, o, Bakı və Brüssel arasında ikitərəfli əməkdaşlığın əsas aspektlərinin energetika, siyasi əməkdaşlıq, humanitar əlaqələrin genişləndirilməsi məsələləri olduğunu deyib.

K.Danielsonun sözlərinə görə, bu gün Brüssel ikitərəfli əməkdaşlığı daha da gücləndirəcək yeni strateji saziş üzrə danışıqların başlamasını gözləyir:

“Biz Aİ standartlarının Azərbaycanda tətbiqi üzrə çoxlu layihələri həyata keçiririk”.

O qeyd edib ki, yeni saziş tərəflərə geniş iqtisadi imkanlar təqdim edəcək.

K.Danielson həmçinin “Cənub qaz dəhlizi” layihəsinin əhəmiyyətini və bu layihəni dəstəklədiyini ifadə edib.

Check Also

ABŞ-ın “Ronald Reyqan” nüvə aviadaşıyıcısı Yapon dənizinə qayıdır

ABŞ-ın “Ronald Reyqan” nüvə aviadaşıyıcısı Şimali Koreyanın raket buraxılışları fonunda Yapon dənizinə qayıdacaq. Boyukmillet.com xəbər …