Bazar , 3 Dekabr 2023

Azərbaycanın yeniyetmə və gənc taekvandoçuları Türkiyədəki beynəlxalq turnirdə 7 medal qazanıblar

Azərbaycanın taekvando üzrə milli komandasının üzvləri Türkiyədə keçirilən beynəlxalq turnirdə uğurla çıxış edərək 1-i qızıl, 3-ü gümüş və 3-ü bürünc olmaqla, ümumilikdə yeddi medal qazanıblar. Bu uğura komandamız Antalyada keçirilən taekvando üzrə “Turkish Open” beynəlxalq turnirində nail olub.

AZƏRTAC xəbər verir ki, yeniyetmələrdən ibarət yığmamızın idmançıları – 37 kiloqram çəki dərəcəsində mübarizə aparan Aysu Məmmədova gümüş, Pərviz İsgəndərov (45 kq) isə bürünc medala sahib olublar.

Dayanq üzərinə çıxmış taekvando üzrə gənclərdən ibarət yığmamızın üzvlərindən Ayaz Qənbərli (51 kq) bütün rəqiblərini yarışdan kənarlaşdıraraq komandamızın aktivinə qızıl medal əlavə edib. Mehriban Məmmədova (44 kq) və Orxan Tağızadə (78 kq) isə finalda məğlubiyyətlə üzləşərək gümüş medalla kifayətləniblər. Minayə Əkbərova (42) və Sevda Pirseyidova (44 kq) turnirdə bürünc medal qazanıblar.

Qeyd edək ki, “G-2” kateqoriyalı “Turkish Open” beynəlxalq turnirində yeniyetmə, gənc və böyüklərdən ibarət yığma komandamız tam heyətlə təmsil olunur.

Check Also

ABŞ və Türkiyə Qəzzaya humanitar yardımı müzakirə edəcəklər

ABŞ-ın maliyyə nazirinin müavini Brayan Nelson Türkiyəyə səfər edəcək və burada Qəzza zolağına humanitar yardımın …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir