Çərşənbə , 16 İyun 2021
Home » Dünya » Azərbaycan və Xorvatiya prezidentləri arasında təkbətək görüş olub

Azərbaycan və Xorvatiya prezidentləri arasında təkbətək görüş olub

Bu gün rəsmi qarşılanma mərasimindən sonra Azərbaycan Respublikasının Prezidenti İlham Əliyevin Xorvatiya Respublikasının Prezidenti xanım Kolinda Qrabar-Kitaroviç ilə təkbətək görüşü olub.
“Report”un xəbərinə görə, görüşdə Xorvatiya Prezidentinin Azərbaycana səfərinin əhəmiyyəti vurğulanıb.
Dövlət başçısı bu ilin əvvəlində Londonda keçirilən “Suriyaya və regiona dəstək” konfransı çərçivəsində Prezident Kolinda Qrabar-Kitaroviç ilə görüşünü və Xorvatiyaya səfərlərini xatırladıb, iki ölkə arasında bütün sahələrdə əlaqələrin yüksək səviyyədə olduğunu deyib.
Azərbaycana səfər etməkdən məmnunluğunu bildirən Xorvatiya Prezidenti səfər çərçivəsində keçiriləcək biznes forumun önəmini vurğulayıb. Prezident Kolinda Qrabar-Kitaroviç Xorvatiya şirkətlərinin Azərbaycanda fəaliyyət göstərməkdə maraqlı olduqlarını qeyd edib.
Söhbət zamanı ikitərəfli əlaqələrin müxtəlif sahələrdə genişləndirilməsi üçün yaxşı imkanların olduğu bildirilib. İki ölkə münasibətlərinin bundan sonra da inkişaf etdiriləcəyinə əminlik ifadə olunub.
Görüşdə ikitərəfli və qarşılıqlı maraq doğuran məsələlər ətrafında fikir mübadiləsi aparılıb.

Check Also

NATO ölkələri hərbi xərcləri artırmaq öhdəliyi götürüblər

NATO-ya üzv 30 ölkənin dövlət və hökumət başçılarının Brüsseldə keçirilmiş zirvə görüşünün yekun bəyannaməsi qəbul …