Şənbə , 29 Yanvar 2022
Home » Dünya » Azərbaycanda iki siyasi partiyanın birliyi yaradılır

Azərbaycanda iki siyasi partiyanın birliyi yaradılır

Azərbaycan Demokrat Partiyası (ADP) ilə Vətəndaş və İnkişaf Partiyasının (VİP) rəhbərliyi əməkdaşlıq məsələsini müzakirə ediblər. 

 

Bu barədə “Report”a ADP sədri Sərdar Cəlaloğlu məlumat verib.

O bildirib ki, əməkdaşlıq təklifini ADP irəli sürüb: “Vətəndaş və İnkişaf Partiyasının cavabından sonra əməkdaşlığın forması müəyyən ediləcək. Biz düşünürük ki, müxalifət partiyalarının arasında inteqrasiya olmalıdı. Digər partiyalar da bu təşəbbüsə müsbət yanaşsalar, həmin təşkilatlarla da müzakirələr aparıla bilər”.

Vətəndaş və İnkişaf Partiyasının sədri Əli Əliyev “Report”a açıqlamasında deyib ki, əməkdaşlıq məsələsi partiyada müzakirə olunub: “Bütövlükdə bu məsələyə müsbət yanaşırıq. Yekun nəticə yaxın vaxtlarda açıqlanacaq”.

Check Also

Zakir Fərəcovun “dağılan tifağı”: Eldar Həsənovun biznes şəriki çıxılmaz vəziyyətdə

Sumqayıtın icra başçısı Zakir Fərəcovun başının üzərində qara buludlar dolaşır. Bunu artıq özü də etiraf …