Cümə , 30 İyul 2021
Home » Dünya » Baş həkimi tənqid etdi, işdən qovuldu və… – Video

Baş həkimi tənqid etdi, işdən qovuldu və… – Video

Elmi-Tədqiqat Ağciyər Xəstəlikləri İnstitutunda çalışan və sosial şəbəkələrin gündəmini zəbt edən məlum video qalmaqalına görə işdən qovulan tibb elmləri namizədi Səbinə Məmmədova institutun direktoru Həqiqət Qədirovanı məhkəməyə verib.

Boyukmillet.com xəbər verir ki, bu barədə məlumatı S.Məmmədovanın vəkili, tanınmış hüquqşünas Bəhruz Bayramov Moderator.az-a təsdiqləyib.

Onun sözlərinə görə S.Məmmədova işdən qanunsuz kənarlaşdırıldığı iddiası ilə Nizami Rayon Məhkəməsinə müraciət edib və hüquqlarını qorumağı ona etibar edib.

B.Bayramov sosial şəbəkələrdə və mediada yayılan videonun çəkilməsindən S.Məmmədovanın xəbəri olmadığını söyləyib. O, qeyd edib ki, xəstəxana rəhbərliyi S.Məmmədovaya qarşı qərəzli münasibət göstərib və o, şöbə müdiri vəzifəsindən əsassız olaraq çıxarılıb.

Qeyd edək ki, bir müddət əvvəl Elmi-Tədqiqat Ağciyər Xəstəlikləri İnstitutunda çalışan tibb elmləri namizədi Səbinə Məmmədovanın institutun direktoru Həqiqət Qədirova ilə mübahisəsi sosial şəbəkələrdə yayılıb. Sözügedən videonun internetdə yaymasından sonra S.Məmmədova işdən çıxarılıb. Elmlər namizədi məsələ ilə bağlı prezidentə video-müraciət ünvanlayıb və məsələnin araşdırılmasını istəyib.

Check Also

Ermənistan BMT Təhlükəsizlik Şurasına müraciət edə bilər

Ermənistan sərhəddəki vəziyyətlə bağlı BMT Təhlükəsizlik Şurasına müraciət edə bilər.  Boyukmillet.com xəbər verir ki, bu …