Digər ölkələr

Amerika Birləşmiş Ştatları Çin, Belarus və Ermənistan şirkətlərini Rusiyaya qarşı ixrac nəzarəti tədbirlərini pozmaqda ittiham edərək onlara qarşı sanksiyalar tətbiq edib. Boyukmillet.com-un məlumatına görə, bu barədə ABŞ Maliyyə Nazirliyinin saytında məlumat yerləşdirilib. Məlumata görə, sanksiya siyahısına 57 hüquqi şəxs daxil edilib.

Ukrayna Prezidenti Volodimir Zelenskinin sədrliyi ilə Milli Təhlükəsizlik və Müdafiə Şurasının iclası keçirilib. Boyukmillet.com xəbər verir ki, bu barədə dövlət başçısının ofisindən bildirilib. Toplantıda müzakirə olunan məsələlər açıqlanmayıb. Təhlükəsizlik Şurasının katibi Oleksiy Danilov iclasdan sonra deyib ki, Ukrayna üçün vacib və fundamental qərarlar qəbul olunub və onlar ictimaiyyətə açıqlanacaq.

“İrandan Ermənistana heç vaxt birbaşa yol olmayıb”. Boyukmillet.com xəbər verir ki, bu fikirlər “Vmedia” yutub kanalının Ermənistanla İran arasındakı “tarixi sərhəd”dən narahat olan iranlı rəsmilərin açıqlamalarına münasibətində yer alıb. Videoçarxda deyilir ki, XIX əsrin ortalarına, yəni Türkmənçay müqaviləsinə əsasən ermənilərin İrəvan, Qarabağ, Naxçıvan xanlıqlarının ərazilərinə köçürülməsinə başlanılmasına qədər Cənubi Qafqazda erməni dövlətçiliyi və gözə çarpan erməni iştirakı olmayıb. Müəlliflər vurğulayıblar ki, …

“MDB məkanındakı münaqişələr, eləcə də Rusiya-Ukrayna müharibəsi SSRİ-nin dağılmasının nəticələridir”. Boyukmillet.com xəbər verir ki, bunu Rusiya Prezidenti Vladimir Putin deyib. Onun sözlərinə görə, Qərb MDB məkanında yeni münaqişələrin qızışdırılması ssenariləri üzərində işləyir, bütün Asiya-Sakit okean regionunda risklər artır. “Qərb istənilən ölkəni təhlükəyə atmağa, onu böhranın episentrinə çevirməyə, rəngli inqilab və qanlı qırğın törətməyə hazırdır”, – Putin qeyd edib.

Slovakiya Prezidenti Zuzana Çaputova Finlandiya və İsveçin NATO-ya daxil olması haqqında protokolu ratifikasiya edib. Boyukmillet.com xəbər verir ki, bu barədə “TA3” telekanalı Prezidentin mətbuat katibi Martin Strijinetsə istinadən məlumat verib. “Hər iki Skandinaviya ölkəsi Alyansa qoşulmaqla, həmçinin müdafiə imkanları ilə müttəfiqliyi daha da gücləndirəcək və bununla da ümumi təhlükəsizliyimizi artıracaq. Yeni müttəfiqlərimizin olmasına şadam”, – Prezident bildirib. Xatırladaq ki, Slovakiyanın …

Belçika Ukrayna hərbçilərinin hazırlanması üzrə Ümum-Avropa missiyasında iştirak etməyə hazırdır. Boyukmillet.com xəbər verir ki, bu barədə krallığın müdafiə naziri Ludivine Dedonder ölkə parlamentinin Müdafiə komitəsində çıxışı zamanı bildirib. Nazir əlavə edib ki, Belçika quruda və dənizdə minalardan təmizləmə, logistika, mühəndislik üzrə təlimləri öz üzərinə götürəcək. “Dedonder”in məlumatına görə, Belçikanın Ukraynaya hərbi yardımının məbləği artıq 51 milyon avro təşkil edir. Daha …

ABŞ-ın Kaliforniya ştatının Oklend şəhərində məktəbdə atışma nəticəsində azı 5 nəfər yaralanıb. Boyukmillet.com xəbər verir ki, bu barədə yerli KTVU televiziyası məlumat yayıb. Bildirilib ki, yaralılar xəstəxanaya yerləşdirilib. Hadisə zamanı məktəb əhatəyə alınıb, uşaqlar və əməkdaşlar hazırda təxliyə edilir. Məlumata görə, atışmanı 3 nəfər törədib. Polis şübhəliləri axtarır.

Suriyada vəba vibrionunun yaratdığı kəskin bağırsaq infeksiyasına 426 yoluxma halı aşkarlanıb. Boyukmillet.com xəbər verir ki, bu barədə ölkənin Səhiyyə Nazirliyi məlumat yayıb. Bildirilib ki, ən çox yoluxma halı ölkənin şimalında – Hələbdə qeydə alınıb – 260. Orada 28 vətəndaş vəbadan ölüb. Ümumilikdə ölkədə 33 ölüm qeydə alınıb. Xatırladaq ki, BMT-nin Suriya üzrə humanitar koordinatoru İmran Rza daha əvvəl bildirmişdi ki, …

Cənubi Kipr tarixində ilk krematori 2024-cü ildə tikiləcək. Boyukmillet.com xəbər verir ki, bu barədə “Cyprus Mail” qəzeti öz saytında məlumat yayıb. Nəşrin mənbələri bildiriblər ki, ölkənin Ətraf Mühitin Mühafizəsi Departamenti “Crematorium Cyprus” şirkəti tərəfindən obyektin tikintisi üçün müraciəti təsdiqləyib. İcra müddəti 18 ilə 24 ay arasında müəyyən edilib və onun təxmini dəyəri 2,2 milyon avro təşkil edir. Məlumata görə, 70-ə …

Latviya öz vətəndaşlarını Rusiyanı tərk etməyə çağırıb. Boyukmillet.com xəbər verir ki, bu barədə Latviyanın xarici işlər naziri Edqars Rinkeviçs tviterdə yazıb. “Beynəlxalq vəziyyətin gərginləşməsini nəzərə alaraq, ölkə vətəndaşlarının Rusiyaya getməsinə, hazırda Rusiyada olanların isə mümkün qədər ölkəni tez tərk etməsinə çağırırıq”, – paylaşımda qeyd edilir. Bundan əvvəl ABŞ-ın Rusiyadakı Səfirliyi də analoji müraciətlə öz vətəndaşlarına müraciət edib.