Şənbə , 29 Yanvar 2022
Home » Dünya » Diaspor təşkilatları: “Milli Məclisin Astan Şahverdiyevlə bağlı ölçü götürməsini gözləyirik”

Diaspor təşkilatları: “Milli Məclisin Astan Şahverdiyevlə bağlı ölçü götürməsini gözləyirik”

Rusiyada yaşayan azərbaycanlıları təmsil edən təşkilatlardan ikisi deputat Astan Şahverdiyevin onlarla bağlı fikirlərinə etiraz bəyanatı yayıblar.

APA-nın məlumatına görə, Azərbaycan Mədəniyyətinin İntibahı və İnkişafı Fondu ilə Azərbaycan-Slavyan Gənclər Assosiasiyasının birgə bəyanatında deputatın bu yaxınlarda Biləsuvar rayonunda məskunlaşan məcburi köçkünlər və Rusiyada yaşayan azərbaycanlılar barədə mediada səsləndirdiyi fikirlərə etiraz ifadə olunub.

“Deputatın açıqlaması Rusiyada yaşayan azərbaycanlılar arasında kəskin hiddətə səbəb olub. Biz Milli Məclisin Astan Şahverdiyevlə bağlı ölçü götürməsini və onun üzr istəməsini gözləyirik. Rusiyada istər tarixən, istərsə də hazırda Azərbaycanı təmsil edən dəyərli ziyalılar var. Rusiyanın elm, iqtisadiyyat, o cümlədən ictimai-siyasi həyatında böyük nüfuza malik azərbaycanlılar üçün deputatın belə bir açıqlaması məyusedicidir” deyə açıqlamada qeyd olunub.

Diaspor təşkilatları müraciəti Milli Məclisə də göndərəcəklərini, deputat üzr istəməyəcəyi təqdirdə isə məhkəməyə müraciət edəcəklərini bildiriblər.

Qeyd edək ki, deputat Astan Şahverdiyev Biləsuvar rayonunda bir qrup şəxsin aksiya keçirməsinə münasibət bildirərkən Rusiyada yaşayan azərbaycanlıları “bazar adamları” və “yararsız” adlandırıb.

Check Also

Zakir Fərəcovun “dağılan tifağı”: Eldar Həsənovun biznes şəriki çıxılmaz vəziyyətdə

Sumqayıtın icra başçısı Zakir Fərəcovun başının üzərində qara buludlar dolaşır. Bunu artıq özü də etiraf …