Dünya çempionatının finalçıları müəyyənləşib

Kolumbiyada keçirilən futzal üzrə dünya çempionatında yarımfinal mərhələsi başa çatıb. Apasport.az saytının məlumatına görə, mərhələnin ikinci oyununda Argentina və Portuqaliya üz-üzə gəlib.

1/4 finalda Azərbaycan millisini mübarizədən kənarlaşdıran pireneylilər Cənubi Amerika təmsilçisi ilə qarşılaşmada aciz qalıb. 5:2 hesablı qələbə qazanan argentinalılar tarixində ilk dəfə mundialın finalına yüksəlib.

Oktyabrın 1-də baş tutacaq final qarşılaşmasında Argentina Rusiya ilə üz-üzə gələcək. Bürünc medalın sahibi isə İran və Portuqaliya arasında qarşılaşmada müəyyənləşəcək.

Futzal üzrə dünya çempionatı

Yarımfinal

28 sentyabr

Argentina – Portuqaliya – 5:2

III yer uğrunda oyun

1 oktyabr

21:00. İran – Portuqaliya

Final

1 oktyabr

23:30. Rusiya – Argentina