Cümə axşamı , 30 May 2024
Drone Cameras

İranı bürüyən etirazlarda qan töküldü, ölənlər var

Dekabrın 28-dən etibarən İranı bürüyən kütləvi etirazlar davam edir.

Boyukmillet.com xarici KİV-lərə istinadən xəbər verir ki, etirazlar paytaxt Tehranda da baş qaldırıb və polislə toqquşmalar, hökumət binalarına hücum cəhdləri ilə müşaiyət olunub.

“Reuters”in bildirdiyinə görə, Dorud şəhərində polis iki nümayişçini güllələyib. Sosial şəbəkələrdə yayılan kadrlara əsasən iki gənc qan içində yerdə uzanıb, kadr arxasından səs isə bildirir ki, onlar polisin açdığı atəşlə vurulublar.

Videokadrlarda nümayişçilərdən biri qışqırır: “Mənim qardaşımı öldürənləri öldürəcəm!”

İran hakimiyyətinin nümayəndəsi ölkə televiziyası ilə bəyan edib ki, Dorud şəhərində iki nümayişçini polis yox, “xarici agentlər” güllələyib.

Dorud şəhərindən yayılmış digər videokadrlarda nümayişçilər “Diktatora ölüm!” şüarları qışqırırlar. Ölkənin şimal-şərqindəki Məşhəd şəhərində isə üç gündür ara verməyən nümayişlər zamanı etirazçılar polis maşınlarını aşırıb, asayiş keşikçilərinin motosikletlərini yandırıb.

Tehranda 70-dən çox tələbə ölkənin əsas universitetinin binası qarşısında toplaşaraq polisi daşa basıblar və “Diktatora ölüm!” şüarı səsləndiriblər. Universitetə yaxın küçələrdə isə polis etirazçıları dağıdıb, onlara qarşı dəyənəklər tətbiq edib. Asayiş qüvvələri etirazçıların iğtişaşlar baş verdiyi yerə cəmləşməsini əngəlləmək üçün iki metro stansiyasını bağlamalı olub. Tehran polisinin rəis müavini şəhərdə vəziyyətin tam nəzarət altında olduğunu bildirib və deyib ki, əgər iğtişaşlar davam etsə etirazçılar dövlətin “dəmir yumruğu” ilə tanış olacaqlar.

Ötən gün dekabrın 30-da İran hakimiyyəti ölkəni bürüyən etirazlara cavab olaraq paytaxt Tehranda öz tərəfdarlarını küçələrə çıxarıb, minlərlə hakimiyyət tərəfdarı və “Bəsic” könüllüləri əllərində Xamneyinin portretlərini tutublar.

Son məlumatlara görə etiraz aksiyaları İranın onlarla şəhərində keçirilir və polislə toqquşmalar baş verir, lakin küçələrə çıxan kütlənin getdikcə aqressivləşdiyi müşahidə olunur.

Check Also

Türkdilli dövlətlərin nazirlərinin elm və təhsil sahəsində növbəti iclasları Şuşada keçiriləcək

İyunun 1-də Şuşa şəhərində Türk Dövlətləri Təşkilatı Təhsil Nazirlərinin VIII İclası və Türk Akademiyasının Elmi …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir