Misirin keçmiş prezidenti Məhəmməd Mursinin oğlu həbs edilib

Misirin keçmiş prezidenti Məhəmməd Mursinin oğlu Üsamə Mursi Şərkiyə adlanan inzibati mərkəzdə həbs edilib.

“Report”un TASS-a istinadən verdiyi xəbərə görə, bu barədə “Əl-Vətən” xəbər portal bildirib.

Məlumata görə, keçmiş prezidentin oğlu polis tərəfindən Zakazig şəhərində tutulub.

O, ölkədə qadağan edilmiş “Müsəlman qardaşları” hərəkatının təşkil etdiyi ixtişaşlara qoşulmaqda ittiham olunur.