Boyukmillet.com Biz yanmasaq vətən yanar
Pakistanın şimal-şərqindəki “Qəbilələr zonası”nda törədilmiş partlayış nəticəsində azı 10 nəfər həlak olub, 8 nəfər yaralanıb. Ölənlər arasında qadınlar və uşaqlar da var.
Partlayıcı qurğu dayanacaqda, insanlar avtobusa minərkən işə salınıb.
Hələlik partlayışa görə məsuliyyəti regionda fəaliyyət göstərən heç bir qruplaşma öz üzərinə götürməyib.
“Qəbilələr zonası” Pakistanın Əfqanıstanla sərhədində yerləşir və ölkənin sabitlik olmayan ərazilərindən biridir. Bu ilin mart ayında Pakistan hökuməti “Qəbilələr zonası”nın Xayber-Paxtunxva əyaləti ilə birləşdirilməsinə dair qərar qəbul edib.
