Bazar ertəsi , 18 Oktyabr 2021
Home » Dünya » “Qarabağ” və “Qəbələ” reytinq siyahısında geriləyib

“Qarabağ” və “Qəbələ” reytinq siyahısında geriləyib

Çempionlar Liqası və Avropa Liqasının qrup mərhələsinin sonuncu – VI turunun oyunlarından sonra klubların UEFA reytinqi açıqlanıb. Apasport.az saytının məlumatına görə, baş tutan 40 qarşılaşma siyahıda müəyyən dəyişikliklərlə səbəb olub.

Cədvəldə yer alan Azərbaycan klublarından da mövqeyində dəyişikliklər qeydə alınıb. 7 təmsilçimiz arasında ən yaxşı nəticəyə malik “Qarabağ” Bakıda İtaliya nın “Fiorentina” klubuna 1:2 hesabı ilə uduzmaqla geriləyib. Cəmi 1 pilləlik enişə üzülən “ağ-göylər” 18,050 xalla 105-ci sırada qərarlaşıb.

9,800 xala malik “Neftçi” isə 2 pillə geriləyərək 162-ci olub. Almaniyada “Maynts”dan 2 cavabsız qol buraxan “Qəbələ” isə üç pillə aşağı düşüb. Təmsilçimiz 7,800 xalla 185-ci pillədə yer alıb.

225-ci yerə şərik çıxan 5 klub arasında yer alan “İnter”in 6,050 xalı var. 4,550 xalla 2 şəriki olan “Xəzər Lənkəran” 277-cı yeri bölüşür. Son 2 həftədə bakılılar 5, cənublular 1 pillə geri düşüb. Digər komandalarımızdan 1 pillə geriləyən “Kəpəz” (4,050) 299-cu, “Bakı” (3,800) 307-ci yerə şərikdi.

Qeyd edək ki, İspaniya “Real”ının (160,656) başçılıq etdiyi siyahıda “Bavariya” (Almaniya) 149,299 xalla 2-ci, “Barselona” (İspaniya) 146,656 xalla 3-cü pillədə qərarlaşıb. Ümumilikdə isə siyahıda 453 komanda yer alıb.

Check Also

Azərbaycan lideri Qoşulmama Hərəkatına üzv olan ölkələrə yeni təklif verib

“Bu il Hərəkata üzv olan dövlətlər yekdilliklə Azərbaycanın sədrlik müddətinin daha bir il – 2023-cü …