Çərşənbə axşamı , 21 May 2024
Drone Cameras

Rəhim Qazıyevin papağını kim hədiyyə edib?- Hafiz Hacıyev DANIŞDI

Azərbaycanın sabiq müdafiə naziri Rəhim Qazıyevin 90-cı illərin əvvəllərində cəbhə hakimiyyətə xəyanət etməsi barədə zamanla mətbuatda yazılar gedib.

Sonralar “Rusiyanın adamı” hesab olunan Rəhim Qazıyevlə bağlı maraqlı bir iddia da ortaya atıldı. Bildirilirdi ki, R.Qazıyevin başına qoyduğu buxara papaq ona nazir olduğu vaxtlarda Rusiya hakimiyyəti tərəfindən hədiyyə edilib. Bəs bu günlərdə yenidən medianın gündəminə gələn eks-müdafiə naziri barədəki iddia nə qədər doğrudur?

Vaxtilə AXC hakimiyyətdə təmsil olunmuş keçmiş “Azərbalıq” Dövlət Konserninin sabiq sədri, Müasir Müsavat Partiyasının sədri Hafiz Hacıyev deyib ki, Rəhim Qazıyev heç bir uğurlu layihəyə imza ata bilməyib.

“Rəhim Qazıyev Elçibəy hakimiyyətinə xəyanət edən bir adam olub. Qiyamçı Sürət Hüseynovla bir yerdə dayanıb. Rəhim Qazıyev Azərbaycanda separatizmin çiçəklənməsinə rəvac verən biridir. “Talış Muğan Respublikası”nın yaradılmasında əli olan insandır. Azərbaycanın bəzi rayonlarının işğal olunması ərəfəsində “özümü öldürəcəyəm” ifadəsi ilə gündəmə gələn birisinin hansısa uğurlu işi yoxdur ki, danışaq.

Hər halda Rəhim Qazıyev Rusiya kəşfiyyatına işləyən bir insan olub. Həmin dövrlərdə də biz bunun şahidi olmuşuq, maliyyə köməyi olmasına baxmayaraq, pulları hərbə vermədi, apardı haradasa gizlətdi, sonra da nəyəsə nail ola bilmədi. Çox güman ki, o, indi də rus kəşfiyyatına çalışır.

Başındakı buxara papağı o vaxtdan qoyur. Od olmasa, tüstü çıxmaz . Yəqin nəsə olub ki, belə danışırlar”. (modern.az)

Boyukmillet.com

Check Also

Samir Məmmədov: “Bakıda evlərin 90 %-nin genişzolaqlı fiberoptik internetə çıxışı var”

Bakıda evlərin 90 %-ə yaxını genişzolaqlı fiberoptik internetə çıxış eldə edə bilir. Boyukmillet.com xəbər verir ki, bunu rəqəmsal …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir