Sabir bəyin özü böyük bir kitabdır – FOTO

11 oktyabr Azərbaycan Yazıçılar Birliyində xalq şairi Sabir Rüstəmxanlının “Akademikin son əsəri” kitabının təqdimatı keçirilmişdir.

Boyukmillet.com xəbər verir ki, tədbirdə görkəmli şair və yazıçılarla yanaşı bir sıra ictimai-siyasi xadimlər və mətbuat nümayəndələri iştirak etmişdir. Giriş nitqini söyləyən AYB-nin birinci katibi, xalq şairi Fikrət Qocanın ardınca Sona Vəliyeva, Rəşad Məcid, millət vəkili Fəzail İbrahimli və digərləri mütəfəkkirin yaradıcılığı, əsərləri və “Akademikin son əsəri” kitabı haqda dəyərli fikirlərini dinləyicilərlə bölüşmüşdürlər. “Sabir bəyin özü böyük bir kitabdır” ifadəsi ilə nitqə başlayan Sona Vəliyeva S.Rüstəmxanlını nəsr formalı kitab yazması münasibəti ilə təbrik etmiş, əsəri ictimai-siyasi tariximizi əks etdirməsi baxımından çox dəyərli olduğu diqqətə yetirmiş və kitabın orta məktəblərdə təqdim olunmasının vacibliyini vurğulamışdır.