Boyukmillet.com Biz yanmasaq vətən yanar
“31 Mart soyqırımı qurbanlarının xatirəsinə abidə ucaldılmalıdır”.
Bunu Moderator.az-a açıqlamasında sabiq millət vəkili, xalq şairi Sabir Rüstəmxanlı bildirib. Onun sözlərinə görə, gecikmiş də olsa belə bir addımın atılmasına ciddi ehtiyac var:
“Düşmən olmayan, qondarma “erməni soyqırımı”na görə abidə ucaldıb. Ermənistana gələn xarici qonaqları həmin abidənin ziyarətinə aparmaq rəsmi prosedura daxil edilib. Bizdə isə ölkəmizin paytaxtında Mart soyqırımı, yaxud bu günə qədər baş verən soyqırımlarla bağlı ümumilşdiirlmiş bir abidə kompleksi yoxdur. Hesab edirəm ki, bu istiqamətdə konkret addımlar atılmalı, həm xalqımızın başına gətirilən soyqırımların təbliği, həm də həmin soyqıırmlarında vəhşicəsinə qətlə yetirilən insanların xatirəsinin əbədiləşdirilməsi üçün ölkə paytaxtında belə bir kompleksin inşasına ehtiyac var”.
