Bazar ertəsi , 18 Oktyabr 2021
Home » Dünya » Ukrayna hərbi prokuroru silah anbarındakı partlayışın səbəbini açıqlayıb – YENİLƏNİB

Ukrayna hərbi prokuroru silah anbarındakı partlayışın səbəbini açıqlayıb – YENİLƏNİB

Xarkov vilayətindəki silah-sursat anbarında partlayış və yanğın təxribat nəticəsində baş verib.

APA-nın məlumatına görə, bunu Ukraynanın hərbi prokuroru Anatoli Matios deyib.

O, özünün “Facebook” səhifəsində yazıb ki, hadisənin araşdırılması üçün müdafiə nazirinin müavininin rəhbərliyi ilə dövlət komissiyası yaradılıb.

Qeyd edək ki, partlayışın baş verdiyi silah anbarının ərazisi 368 hektar təşkil edir. Burada 138 min ton silah-sursat saxlanılır.

*** 09.28

Ukraynada silah-sursat anbarlarında partlayışlar baş verib.

APA-nın “İnterfaks-Ukrayna” agentliyinə istinadən verdiyi məlumata görə, partlayışlar Xarkov vilayətinin Balakleya şəhəri yaxınlığında olub.

Yerli icra hakimiyyətinin rəhbəri Stepan Maselski bildirib ki, bununla əlaqədar ətraf evlərin sakinləri təhlükəsiz yerlərə təxliyə olunub.

Partlayışlar yerli vaxtla gecə saat 03.00-da baş verib. Ölən və yaralananlar haqqında hələlik məlumat yoxdur.

Check Also

Azərbaycan lideri Qoşulmama Hərəkatına üzv olan ölkələrə yeni təklif verib

“Bu il Hərəkata üzv olan dövlətlər yekdilliklə Azərbaycanın sədrlik müddətinin daha bir il – 2023-cü …