Boyukmillet.com Biz yanmasaq vətən yanar
Ekologiya və Təbii Sərvətlər Nazirliyinin (ETSN) Xəzər Kompleks Ekoloji Monitorinq İdarəsi Xaçmaz rayonunun çimərlik sahəsinin ekoloji vəziyyəti ilə bağlı monitorinq aparıb.
APA-nın xəbərinə görə, Xəzər Kompleks Ekoloji Monitorinq İdarəsinin aylıq bülletenində bildirilib ki, monitorinq zamanı Xaçmaz rayonunun sahil xəttindən dənizə axıdılan 87 axar qeydə alınıb.
“Rayonun Müqtədir kəndi ərazisində fəaliyyət göstərən “Oberlyuks”, “Dənizçi”, “Jalə”, “Gentleman” və “Sevdiyim məkan”, Seyidli kəndi ərazisində fəaliyyət göstərən “Flaminqo”, “Venesiya”, “Ulduz” və “Ulduz çimərlik” istirahət mərkəzlərində, “Bulaq”, “Golden” və ”Farley” çimərlik sahəsində, “Lokomotiv” istirahət bazasında, Nabran kəndi ərazisində fəaliyyət göstərən “Şahdağ”, “Caspian Sea” və “Əlincə” turist mərkəzlərində, “Sahil”, “Martı”, “Qağayı”, “Albatros”, “Oazis”, “Turist”, “Nur-el”, “Olimp” və “Uğur” iaşə obyektlərində , “Pavilyon”, “Üç qardaş”, “Oskar”, “Yaşıl ada”, “Sarı Bulaq”, “Tropikanka”, “Mirvari” istirahət mərkəzlərində aparılmış monitorinq zamanı ekoloji normativ sənədlərin olmaması, o cümlədən suya olan tələbatın və formalaşan tullantı sularının hesabatının aparılmaması, şambolarda toplanan tullantı sularının daşınması barədə müqavilələrin bağlanmaması, bərk tullantıların düzgün qaydada idarə olunmaması və təmizləyici qurğuların işləmədiyi, tullantı sularının təmizlənmədən və zərərsizləşdirilmədən birbaşa Xəzər dənizinə axıdıldığı tərəfimizdən qeydə alınıb. İstirahət mərkəzlərindəki şambolar texnoloji normalara uyğun inşa edilmədiyindən, toplanan tullantı suları qrunt sularına qarışaraq təbii axarlar vasitəsilə Xəzər dənizinə axıdılmasına səbəb olur” – deyə bülletendə qeyd olunub.
