Bazar ertəsi , 27 Sentyabr 2021
Home » Dünya » Xalq artisti yalan məlumat yayan saytlara xəbərdarlıq etdi-Təkzib verin!

Xalq artisti yalan məlumat yayan saytlara xəbərdarlıq etdi-Təkzib verin!

Bu gün mətbuatda bəzi müğənnilərin hərbi xidmətdə olmadığı barədə xəbər yayılıb. Siyahıda şou biznes əhlinin üzdə olan sənətçiləri ilə yanaşı, xalq artisti, muğam ustası Mənsum İbrahimovun da adı yer alıb. Movqe.az-a bu barədə açıqlama verən sənətkar bəzi saytlarda yayılan bu xəbərin yalan olduğunu söyləyib. M. İbrahimov bildirib ki, o, 1979-1981-ci illərdə, Moskvada sovet ordusunda hərbi xidmət keçib: “Bu xəbər ağ yalandır. Mən hərbi xidməti 36 il bundan əvvəl, uğurla başa vurmuşam. Xəbərdən də görünür ki, bu sifarişli, qərəzli, həqiqəti əks etdirməyən informasiyadır. Ən azından bu xəbəri yayımlayan saytın əməkdaşı onda belə bir informasiya vardısa, mənimlə əlaqə saxlayıb dəqiqləşdirə bilərdi. Amma müxbr, məlumatın nə dərəcədə həqiqət olub-olmadığını araşdırmadan yalan informasiyanı yayaraq mənim nüfuzuma xələl gətirib. Ona görə bu yalan məlumatı yayan sayt xəbəri təkzib etməsə, onları məhkəməyə verəcəm. Ən azından bu xəbər yayılmazdan öncə mənimlə dəqiqləşdirilməli idi. Amma jurnalist peşə etikasına zidd davranaraq xəbəri qərəzli şəkildə, dəqiqləşdirmədən yayıb”.

Sənətkar Movqe.az saytına əsgərlik şəkillərini də göndərərək yayılan məlumatın yalan olduğunu təsdiqləyib. 

Check Also

Anım günü ilə əlaqədar Bakının bir sıra küçə və prospektlərində hərəkət iki gün məhdudlaşdırılacaq

27 sentyabr – Anım Günü ilə əlaqədar keçiriləcək tədbirlərlə əlaqədar təhlükəsizliyi təmin etmək məqsədilə sentyabrın …