“Yaxın Şərqdə mövcud durum: Türkmən faciəsi” mövzusunda dəyirmi masa keçiriləcək

DAK icra aparatından boyukmillet.com-a verilən məlumata əsasən Dünya Azərbaycanlıları Konqresinin (DAK) təşkilatçılığı ilə “Yaxın Şərqdə mövcud durum: Türkmən faciəsi” mövzusunda dəyirmi masa keçiriləcək. Tədbirdə Yaxın Şərqdə gedən müharibə prosesi və türkmənlərə qarşı aparılan soyqırım ətrafında müzakirələr aparılacaq. DAK-ın təşəbbüsü ilə keçiriləcək dəyirmi masaya tanınmış ictimai-siyasi xadimlər, tarixçi alimlər və media nümayəndələri dəvət olunub. Tədbir 11 noyabr 2016-cı il tarixində, saat 14:00-da Beynəlxalq Mətbuat Mərkəzinin dəyirmi zalında başlayacaq.