Cümə axşamı , 28 Mart 2024
Drone Cameras

Zərifə Əliyeva adına park Hacıbala Abutalıbovun icazəsi ilə yox edildi – yazdıqlarımızın izi ilə (FOTOLAR)

Səbail rayonunun Badamdar qəsəbəsindəki Zərifə Əliyeva adına park artıq yoxdur. Parkda uzun illərdir ki, abadlıq işlərinin aparılacağı deyilirdi. Lakin illər keçsə də, bu vədə əməl edilmədi. Əksinə, park tikinti şirkətinə verildi. Ərazidə indi böyük yaşayış lompleksi inşa edilir.

Musavat.com olaraq parkın taleyi və sakinlərin narazılığı ilə bağlı hələ 2015-ci ilin avqust ayında yazmışdıq.

Həmin ərəfədə park iki hissəyə bölünmüşdü. Bir hissəsində “Azərsu” ASC tərəfindən iş aparılır, digər hissəsində isə tikinti şirkəti qazıntı işi görürdü.

Narazı sakinlər bildirirdilər ki, onların istirahəti üçün nəzərdə tutulan parkın bu vəziyyətə salınması özbaşınalıqdır. Bir neçə il əvvəl təmirsiz parkın böyük hissəsi tikinti şirkətlərindən birinə satılıb. Burada yaşayış binasının tikintisi nəzərdə tutulmuşdu.

Lakin bir qrup sakinin narazılığından sonra tikinti prosesi dayandırılmışdı. Park isə, tamamilə yarasız vəziyyətə salınmışdı.

Tikintinin dayanandan sonra sakinlər ümid edirdilər ki, park yenidən təmir olunacaq və onların istifadəsinə veriləcək. Lakin onların bu ümidləri özünü doğrultmadı.

Badamdar Bələdiyyəsindən musavat.com-a sakinləri ümidləndirəcək bir açıqlama verilmişdi. Bələdiyyədən bildirilmişdi ki, Zərifə Əliyeva adına Parkın yenidən təmir edilərək, vətəndaşların istifadəsinə veriləcək. Ancaq belə olmadı.

Artıq parkın giriş hissəsində “Azərsu” ASC tərəfindən Badamdar qəsəbəsinin su təchizatı və kanalizasiya sisteminin tikintisi həyata keçirilib. Qalan hissəsində isə nəhəng yaşayış kompleksi tikilir.

Tikintini sifariş verən şirkət “Şərq-F” MMC-dir. Buna razılığı isə, Bakı Şəhər İcra Hakimiyyətinin başçısı Hacıbala Abutalıbov verib. Bu barədə tikinti ilə bağlı hazırlanan məlumat lövhəsində yazılır… (Musavat.com)

İ.Muradov,
Fotolar müəllifindir

 

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir