Çərşənbə , 1 Fevral 2023

AŞPA-nın Bürosu Azərbaycanda keçirilmiş referendumun nəticələrini təsdiqləyib

Avropa Şurası Parlament Assambleyasının (AŞPA) Bürosu oktyabrın 10-da Makedoniyanın assambleyadakı nümayəndə heyətinin və Konstitusiya islahatlarına dair referendumla bağlı Azərbaycan üzrə AŞPA qiymətləndirmə missiyasının rəhbəri Aleksandr Nikoloskinin memorandumunu yekdilliklə təsdiqləyib. Büronun üzvləri bu memorandumu nəzərdən keçirərək qəbul ediblər.

AŞPA missiyası belə qənaətə gəlib ki, Azərbaycanda keçirilmiş referendum ölkə qanunvericiliyinə və Konstitusiyasına uyğun təşkil edilib, qanunidir və legitimdir. Səsvermə prosesi yaxşı təşkil edilmişdi və şəffaf, səmərəli, dinc keçdi. Səslərin sayılmasında nəticələrə təsir edə biləcək pozuntular müşahidə edilmədi.

AŞPA missiyası, eyni zamanda, bildirib ki, referendumun nəticələri ölkənin təhlükəsiz, sabit və davamlı inkişafı istiqamətində irəliyə doğru addım kimi Azərbaycan xalqının iradəsini ifadə edir, demokratik və iqtisadi çağırışlara cavab olaraq, daha səmərəli idarəçilik sistemi qurmağa və ölkə üçün zəruri olan daha məzmunlu islahatlar aparmağa yönəlib.

 

AZERTAC.

Check Also

Kamran Əliyev Münhenin Baş prokuroruna terrorçuluğa qarşı mübarizə fəaliyyəti barədə məlumat verib

Baş prokuror Kamran Əliyev Almaniyanın Münhen şəhərinin Baş prokuroru Reinhald Röttlenə terrorçuluğa qarşı mübarizədə fəaliyyəti …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir