Cümə , 30 İyul 2021
Home » Dünya » Azərbaycanda turizm obyektləri üçün məhdudiyyətlər qoyula bilər

Azərbaycanda turizm obyektləri üçün məhdudiyyətlər qoyula bilər

Azərbaycanda turizm obyektləri üçün bəzi məhdudiyyətlərin qoyulması təklif edilir.

 

Milli Məclisdən Trend-ə verilən məlumata görə, yeni hazırlanan “Turizm haqqında” qanun layihəsində qeyd edilir ki, UNESCO-nun “Ümumdünya mədəni və təbii irsin qorunması haqqında” Konvensiyasına uyğun olaraq, mədəni və təbii irs siyahısına daxil olan, eyni zamanda bu siyahıya daxil olmayan, lakin təkrarolunmaz turizm obyektləri üçün qanunvericiliyə uyğun olaraq nəzarət orqanı tərəfindən xüsusi mühafizə və qorunma rejimi müəyyən edilir. Belə rejim isə həmin obyektə turistlərin axınının məhdudlaşdırılmasını nəzərdə tutur. Bu hal “”İçərişəhər” Tarixi-Memarlıq Qoruğu və “Qala” Dövlət Tarix Etnoqrafiya Qoruğuna şamil edilmir.

Turizm obyektlərinə dair məhdudiyyətləri nəzərdə tutan rejim müəyyən edilərkən həmin obyektin turizm axınını qəbul etmək imkanları, antropogen təsirə davamlılıq gücü və nəzarət orqanının rəyi nəzərə alınmalıdır. Obyektin turist qəbulu imkanları azaldıqca, habelə antropogen təsir artdıqca və bu halların vüsət alacağı barədə ehtimallar yüksək olduqca həmin obyektə dair məhdudiyyətlər artırılmalı, obyektin qorunma səviyyəsi yüksəldilməlidir. Məhdudiyyətlərin növləri və qoruma üsullarına müvafiq nəzarət orqanı tərəfindən 3 aydan bir baxılmalıdır.

Check Also

Ermənistan BMT Təhlükəsizlik Şurasına müraciət edə bilər

Ermənistan sərhəddəki vəziyyətlə bağlı BMT Təhlükəsizlik Şurasına müraciət edə bilər.  Boyukmillet.com xəbər verir ki, bu …