Şənbə , 28 May 2022
Home » Dünya » Bakı Humanitar Forumunda Azərbaycana qarşı erməni təcavüzü müzakirə olunub

Bakı Humanitar Forumunda Azərbaycana qarşı erməni təcavüzü müzakirə olunub

Ötən əsrin 90-cı illərinin əvvəllərində Azərbaycan erməni təcavüzü nəticəsində bir milyona yaxın qaçqın və məcburi köçkünləri qəbul etməyə məcbur oldu.

 

Trend-in məlumatına görə, bunu Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov V Bakı Beynəlxalq Humanitar Forumunun sessiyasında deyib.

Onun sözlərinə görə, Azərbaycan hökuməti qaçqın və məcburi köçkünlərin zəruri həyat şəraitinin təmin edilməsi, onların cəmiyyətə inteqrasiyası üçün bütün mümkün tədbirləri görür.

Ə.Həsənov qeyd edib ki, onlar üçün yaşayış kompleksləri, məktəblər, uşaq bağçaları, xəstəxanalar tikilir: “Azərbaycanın qaçqınlar barəsində milli qanunvericiliyi beynəlxalq qanunvericiliyə uyğundur”.

Sessiya zamanı Azərbaycana qarşı erməni təcavüzü barədə sənədli film nümayiş etdirilib.

Check Also

AQC-nin rəhbər heyətinə təyinatlar olub

Azərbaycan Qiymətləndiricilər Cəmiyyətinin (AQC) ötən həftə baş tutan hesabat-seçki konfransında seçilmiş İdarə Heyətinin ilk iclası …