Şənbə , 10 Dekabr 2022
Home » Dünya » Nazirlik Günəşlidə ağacların kəsilməsi barədə məlumatlara münasibət bildirib

Nazirlik Günəşlidə ağacların kəsilməsi barədə məlumatlara münasibət bildirib

Ekologiya və Təbii Sərvətlər Nazirliyi (ETSN) Günəşli qəsəbəsində 275 və 279 saylı orta məktəblərin yaxınlığında yerləşən parkın ərazisindəki ağacların kəsilməsi və sakinlərin buna etirazı ilə bağlı yayılan xəbərlərə münasibət bildirib. 

ETSN-nin Ətraf Mühitin Mühafizəsi Departamentinin Hüquq şöbəsinin əməkdaşı Çingiz Nəcəfov APA-ya deyib ki, bu günlərdə həmin ərazidə ağac kəsilməsi faktı qeydə alınmayıb.

Onun sözlərinə görə, ərazidə ağacların kəsilməsi faktı may ayında qeydə alınıb: “Suraxanı rayon Polis İdarəsinin 33-cü Polis Bölməsinin təhqiqatçısı tərəfindən aparılan araşdırma zamanı ağacları Əmrahov Elçin Əziz oğlunun kəsdiyi müəyyən olunub. Həmin şəxs tərəfimizdən inzibati qaydada 2200 manat cərimə edilib”.

Ç. Nəcəfov qeyd edib ki, hazırda ərazi nəzarət altındadır.

Qeyd edək ki, bu gün saat 10.00 radələrində Günəşli qəsəbəsində bir qrup sakin 275 və 279 saylı orta məktəblərin yaxınlığında yerləşən parkın ərazisindəki ağacların kəsilməsinə etiraz edib.

 

Check Also

Regionda təxribata əl atan ölkə qarşısında Türkiyə-Azərbaycan Vahid Ordusunu görəcək! – ŞƏRH

Azərbaycan Türkiyənin bütün sahələrdə olduğu kimi hərbi sahədə də tərəfdaşıdır. İndiyədək iki ölkə arasında hərbi …