Şənbə , 3 İyun 2023

Paytaxtda ötən günün qəzalarında 3 piyada ölüb

Paytaxtda ötən gündə baş vermiş yol qəzalarında 3 piyada ölüb.

Daxili İşlər Nazirliyindən Trend-ə verilən məlumata görə, yanvarın 11-də saat 21 radələrində Qaradağ rayonunun Lökbatan qəsəbəsində Bakı şəhər sakini Etiqad Kərimov idarə etdiyi “QAZ-2410” markalı avtomobillə yolu keçən qəsəbə sakini Rəhim Hüseynovu vurub. Xəstəxanaya yerləşdirilən R.Hüseynov orada ölüb. Qaradağ RPİ tərəfindən araşdırma aparılır.

Həmin gün saat 19 radələrində Nərimanov rayonu M.Araz küçəsində Bakı şəhər sakini Rza Balayzadə idarə etdiyi “Mercedes” markalı avtomobillə yolu keçən paytaxt sakini Cəsarət İsayevi vurub və nəticədə piyada hadisə yerində ölüb. Nərimanov RPİ tərəfindən araşdırma aparılır.

Yanvarın 11-də saat 6 radələrində isə paytaxtın Nizami rayonunun H.Əliyev prospektində Bakı şəhər sakini Fuad Behbudov idarə etdiyi “Hyundai” markalı avtomobillə yolu keçən şəhər sakini Cəfər Sadıqovu vurub və nəticədə piyada hadisə yerində ölüb.

Nizami RPİ tərəfindən hadisə ilə bağlı araşdırma aparılır.

Check Also

İranın Rusiyaya ixracı 57% artdı

2022-2023-cü maliyyə ilində İran Rusiyaya 743,88 milyon dollar dəyərində 1,41 milyon ton mal ixrac edib …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir