Burda göstərilən tarixə olan xəbərlər: Şənbə, 09 Mart 2019

img

Bütün xanımların böyük həvəslə qeyd etdiyi 8 mart günü hakimiyyətə qarşı radikal siyasi mövqeyi ilə seçilən bir qrup qadın şəhərin mərkəzində aksiya keçirərək, təxribat törətməyə cəhd etdi.

Əvvəlcədən sosial şəbəkələr və xaricdə qərarlaşan KİV tərəfindən anonsu verilən həmin aksiyanın sabitliyi pozmaq məqsədilə ortaya atıldığına şübhə yeri qalmırdı. Çünki həmin aksiyanı edənlərin mövqeyilə 8 mart bayramının fəlsəfəsi arasında kəskin təzad vardı. Eyni zamanda, aksiyada nümayiş olunan şüarların və səsləndirilən tələblərin müasir Azərbaycan qadınına heç bir aidiyyəti yox idi. Məlum aksiyaya liderliyi özünü müstəqil jurnalist kimi təqdim edən Xədicə İsmayıl həyata keçirirdi. Təşkilatçı qrup yürüşü "8 Marş - Zorakılığa qarşı GET" adlandırmışdı. Xədicə İsmayıl Facebook-dakı səhifəsində belə anons vermişdi: "Bu gün saat 2-də Azad qadın heykəli yanında mən də olacam. Solçu deyiləm. Feminist deyiləm. Qadınam". Digər qrup isə yürüşü "Qadına şiddətə yox!" aksiyası adlandırdı. 8 mart günü saat 14.00-da "Nizami" metrosunun yaxınlığına toplaşan bir qrup xanım əllərindəki şüarları, şarları və çiçəkləri yelləyərək "Azad Qadın" heykəlindən yola çıxıb, Natəvanın heykəlinədək yürümək istədi. Aksiya iştirakçıları yolun ortası ilə hərəkət etdikləri və hündürdən süarlar səsləndirərək, ictimai asayişi, başqa şəxslərin istirahət hüquqlarını pozduqları üçün polis prosesə müdaxilə etmək məcburiyyətində qaldı. Qeyd edək ki, aksiyadan bir gün əvvəl, martın 7-də Bakı polisi bəyanat yayaraq bildirmişdi ki, xanımların keçirməyə hazırlaşdığı aksiya şəhərin hakimiyyət dairələri ilə razılaşdırılmadığı üçün icazəsizdir və qarşısı alınacaq. Aydın şəkildə hiss olunur ki, ideyası, siyasi manevr imkanları tükənən müxalif dairələr son vaxtlar fərqli taktikadan istifadə etməyə çalışır. Xüsusilə də ölkə üçün əlamətdar sayılan günlərdə, insanların tamamilə başqa məqsədlər üçün toplaşdığı izdihamın diqqətini müəyyən təxribatlarla özlərinə cəmləməyə cəhdlər olunur. Son üç ay ərzində bunun baş verdiyini konkret dəlillərlə ortaya qoya bilərik. 20 yanvar günü, başda AXCP və Milli Şuranın rəhbərliyinin olduğu bir qrup insan Şəhidlər Xiyabanında provakativ addımlar ataraq, polislə qarşıdurma yaratdı. Nəticədə bir neçə müxalif fəalla bağlı müvafiq hüquqi ölçülər götürüldü. Bundan sonra, 26 yanvar tarixində xalqın böyük izdihamla Xocalı abidəsini ziyarət etdiyi mərasimdə Müsavat Partiyasının rəhbərliyi rəsmi protokol qaydalarını pozmağa cəhd edərək, yenə də düşünülmüş şəkildə polislə qarşıdurma yaratdılar. Dünən isə biz Xədicənin dəstəsinin 8 martda sui-stifadə cəhdinin şahidi olduq. Belə təxribatçı addımlara sosial şəbəkələr vasitəsilə bir qrup adamın xüsusi dəstək verməsinin də məqsədi aydındır. Son vaxtlar ölkə rəhbərliyinin xalqla birbaşa təmaslar qurması, cəmiyyətin müxtəlif təbəqələrinin problemlərini şəxsən Prezidentin özü tərəfindən dinlənilməsi və müvafiq addımların atılmasına sosial şəbəkələrdə böyük dəstək verilir. Ətrafında ciddi elektorat toplaya bilməyən radikal dairələrin əlamətdar günlərdən yararlanaraq oxşar təxribatlar törətməyə cəhd etməsi və buna sosial şəbəkələrdə diqqəti fokuslamağa çalışması hakimiyyətin yeni açılım siyasətinə kölgə salmaq məqsədi daşıyır. Ancaq Azərbaycanın hüquq-mühafizə orqanlarının ayıqlığı göstərir ki, belə ucuz vasitələrlə ölkədəki stabilliyi pozmaq cəhdləri alınan deyil.

 

Nəşr olunub CƏMİYYƏT

“Qarabağda müharibə başlasa, Azərbaycanı çox ölkə dəstəkləyəcək”.

Boyukmillet.com Ermənistan KİV-nə istinadən xəbər verir ki, bu barədə Respublika partiyasının sədr müavini Armen Aşotyan açıqlama verib.

“Minsk qrupunun həmsədrləri, həmçinin, Yohannes Xan və Frederika Moqerinin simasında bütün Avropa Birliyi nümayəndələri Nikol Paşinyanın təşəbbüslərini dəstəkləmirlər. Bu təşəbbüslər arasında Qarabağın danışıqlara qatılması məsələsi də var. Rəsmi bəyanatlarda ilkin şərtin irəli sürülməməsi deyiləndə məhz bu nəzərdə tutulurdu. Ona görə də hərbi əməliyyatlar bərpa olunsa, dünya birliyinin önəmli hissəsinin Azərbaycanı dəstəkləməsi ehtimalı var”-deyəAşotyan deyib. 

Nəşr olunub SİYASƏT
Mərasimlərin təşkilində Naxçıvan modeli...
Mədəniyyət geniş məfhum olub hər bir xalqın formalaşdırdığı maddi- mənəvi dəyərlər toplusu hesab edilir.Müasir dövrdə tikinti mədəniyyəti, istehsal mədəniyyəti, istehlak mədəniyyəti ilə bərabər, hər bir xalqın dünyasını dəyişən şəxslər üçün bu və ya digər formada qeyd etdiyi “hüzn mədəniyyəti” deyilən bir mədəniyyət növü formalaşıb. Son illər Naxçıvanda yas mərasimlərinin təşkili zamanı israfçılığa yol verilməməsi, dini qaydalara riayət edilməsi ölkə səviyyəsində də nümunə hesab olunur.
Yas mərasimlərinin təşkilindəki çətinliklər
Yaxşı xatırlayırıq ki, əvvəllər yas mərasimi yas çadırının gətirilib qurulmasından, sökülüb aparılmasınadək olan mərhələni əhatə edirdi və bu müddətdə kənd camaatı soyuq qış günlərində xeyli əziyyətə qatlaşmalı olurdu. Yaxından-uzaqdan gələn qonaqların qarşılanıb yola salınması isə belə şəraitsiz yerdə utancverici idi. Qohum-əqrəbadan yas mərasiminin keçirilməsi üçün toplanılmış qab-qacağın yuyulub “təhvil verilməsi” də ayrıca bir məşəqqət idi.Yayda istinin, digər vaxtlarda soyuq və yağıntının təsirindən dözülməz şəraitdə keçirilən yas mərasimləri doğrudan da “ölənlə bərabər ölmək” anlamına gəlirdi. 

Yas mərasimlərində ehsan ənənələri

Əvvəllər yaşlı-cavan fərq etməz, doğmasını, yaxınını itirmiş şəxslər yas mərasimi yerinin hazırlanmasını,mərhuma verəcəyi ehsanın xərclərini, yoxsa ailə başçısını, yaxınını itirdikdən sonra ailəsinin necə keçinəcəyini düşündüyü bir vaxtda “başını itirir” və nə edəcəyini belə fikirləşə bilmirdi. Ona görə də, bu məsələlərin həlli yeni bir mədəniyyətin formalaşmasını zəruri edirdi. 
Artıq Naxçıvanda bir neçə il bundan əvvəl tətbiq edilən yas mərasimi dövründə çay məclisinin sadəcə limon,çay və qənddən ibarət olması ölkəmizin hər yerində örnək olaraq qəbul edilməkdədir. Ehsan yeməyinin də sadəcə plovdan ibarət olması və ehsan vaxtının 3-4 saatdan bir saatadək qısaldılması xalqın maddi və mənəvi rifahına hesablanmış bir addım idi. Kütləvi ehsanların da bu yolla aradan qaldırılması yeni mədəniyyətin carçısı idi.Axı,artıq xərc və artıq əziyyət ölü sahibinin narahatçılığı və yersiz qayğılanmasından başqa bir şey deyildi. Əlavə xərclərin ölüyə heç bir xeyrinin olmadığı halda, dirilərin “ölməsinə” səbəb olmağı gün kimi aydın idi. Bu gün Naxçıvanımızda yaşından, cəmiyyətdəki sosial mövqeyindən,maddi vəziyyətindən asılı olmayaraq hər yas mərasiminin eyni menyu və eyni müddət ərzində keçirilməsi “Yas mərasimi mədəniyyətinin Naxçıvan modeli” ni formalaşdırıb.

Qəbiristanlıqlardakı səliqə

Qeyd olunan model özlüyündə qəbiristanlıqlarımıza da sirayət etdi və bundan hər kəs yararlandı. İsrafçılığa və dırnaqarası “şöhrətpərəstliyə” qəbiristanlıqlarımızda da son qoyuldu.Əvvəllər əhalinin qəbir çəpərlərinin arasından keçərək, qəbiristanlığın mərkəzindəki qəbirlərə çatması da müşkül bir iş idi. El adətinə görə, müvafiq günlərdə (İlaxır çərşənbəsi günü, mərhumun ildönümü və ya digər günlərdə) “qəbir ziyarəti” adlandırılan ayini yerinə yetirmək xüsusi bacarıq tələb edirdi. İrəli sürülmüş xeyirxah təşəbbüs sayəsində ötən illərdə qəbiristanlıqlarımız lüzumsuz dəmir şəbəkələrin, dəbdəbəli qəbir daşlarının “istila”sından azad olundu.Bu gün qəbiristanlıqlarımızda mərhumun qəbirin standart ölçüyə malik qəbir daşları ilə “götürülməsi” adəti də formalaşıb. Bu addım da insanları lüzumsuz xərclərdən xilas etdi. Bayramqabağı kəndlərdəki qəbiristanlıqların kənd ictimaiyyəti tərəfindən abadlaşdırılması da təqdirəlayiqdir.

Yas mərasimlərinin idarə edilməsindəki üstünlüklər


Bu gün muxtar respublikada yas mərasimləri müvafiq Dini Qurumlarla İş üzrə Dövlət Agentliyindən sertifikat almış, təhsilli din xadimləri tərəfindən idarə edilir. Din xadimlərinin yas mərasimlərində İslam dininin müqəddəs kitabı olan “Qurani-Kərim”in ayələrini oxuyub, mümkün qədər təfsir verməsi dinimizin öyrənilməsində və təbliğində böyük rol oynayır. İndi savadlı və bacarıqlı yeni nəsil din xadimlərinin yetişməsində dövlət qayğısı yüksək səviyyədədir. “Naxçıvan” Universitetində “Dinşünaslıq” ixtisasının fəaliyyət göstərməsi bu sahədə peşəkar kadr hazırlığının aparılmasına töhfə verir. Bu gün din xadimləri xüsusi geyim formaları ilə təmin olunub, dini icmalara xidməti avtomobillər təqdim olunub.Bir sözlə,mərasimlərin dini qaydalara uyğun təşkil edilməsi, dini mövhumatçılıq və xürafata yol açmır, insanlar radikal və dini nifrət yayan cərəyanlardan uzaqdırlar.

Mərasim evləri Naxçıvan mədəniyyətinin bir parçasına çevrilib 

Hazırda muxtar respublikanın hər yerində olduğu kimi, Babək rayonunun kəndlərində 20-dən çox mərasim evi tikilib.Belə mərasim evlərindən ikisi də yaşadığım Cəhri kəndindədir. Mərasim evinin tikilməsi kənd əhalisinin xeyirxah insanları ilə dövlətin birgə əməyi nəticəsində ərsəyə gəlmişdir. Cəhridə birinci mərasim evi ötən il əhalinin ixtiyarına verilib.Bu tikili Cəhrinin birlik, bərabərlik, həmrəylik simvoluna çevrilib. Artıq bu iri yaşayış məntəqəsində ikinci mərasim evinin də tikintisi sürətlə aparılır.Hər iki mərasim evində qadınların və kişilərin ayrıca oturması üçün geniş və işıqlı zallar fəaliyyət göstərir. Mərasim evləri zəruri mətbəx mebelləri və əşyaları ilə təmin olunub.İndi dünyasını dəyişmiş şəxsin yaxınları nə çadır, nə qab-qacaq, nə də çadırda istilik yaratmaq üçün odun-ocaq dalınca qaçmır. Burada xidmət tam ödənişsizdir. Bu evlər qazanc yox, xeyirxahlıq, humanistlik, alicənablılıq məqsədilə tikilmişdir. 
Sevindirici haldır ki, milli memarlıq xüsusiyyətləri nəzərə alınmaqla və yüksək zövqlə inşa edilmiş mərasim evləri bu gün həm də ümumxalq mərasimlərinin keçirilməsi üçün əlverişli məkandır. Bu il “20 Yanvar” və “Xocalı faciəsi”nin ildönümü günündə Cəhri kəndindəki mərasim evində şəhidlərimizə ehtiram əlaməti olaraq ehsan süfrəsi açılmış, şəhid qəbirləri ziyarət edilmişdir.
Dini dəyərlərimizin olduğu kimi insanlara çatdırılması bu sahədə əsaslı dönüş yaratdı. İslam dini və müqəddəs kitabımız olan “Qurani-Kərim”də buyurulan əməllərə bir daha sadiqlik nümayiş etdirildi və nəticə etibarilə bu tədbirlər həm də insanları izahi, gərəksiz xərclərdən azad etdi. Bu zəngin dəyərlər sistemi bundan sonra da yaşadılmalı, gələcək nəsillərə ötürülməlidir.
Nəşr olunub CƏMİYYƏT

Reytinq